Næsta vetur mun Knattspyrnusamband Íslands halda KSÍ A 2 þjálfaranámskeið.

Þjálfarar sem sækja um inngöngu á UEFA A 2 þjálfaranámskeið þurfa að uppfylla eftirfarandi skilyrði:

• Hafa gilda/virka UEFA B þjálfaragráðu.
• Þjálfa í a.m.k. eitt ár í 3. flokki eða eldri eftir að hafa útskrifast með UEFA B þjálfararéttindi (þjálfarar sem útskrifuðust með UEFA B þjálfararéttindi vorið 2026, geta ekki sótt um á A 2 fyrr en vorið 2027)
• Skulu vera aðalþjálfarar í 3. flokki eða aðalþjálfarar/aðstoðarþjálfarar í 2. flokki eða meistaraflokki á meðan náminu stendur.

Umsækjendur sem uppfylla skilyrðin hér að ofan og hafa leikið a.m.k. 10 A-landsleiki, fá sjálfkrafa sæti á UEFA A 2 þjálfaranámskeiðinu.

Útlistun á umsóknarferli og uppbygging námskeiðsins í grófum dráttum er sem hér segir:

1.       Allir þjálfarar sem sækja um þurfa að taka KSÍ A þjálfaraskólann (viðhengi). Þjálfarar þurfa að ljúka Þjálfaraskólanum í síðasta lagi 7. ágúst. Þjálfaraskóli KSÍ kostar 60.000 kr.

2.       Þeir þjálfarar sem hafa tekið KSÍ A þjálfaraskólann áður, þurfa ekki að gera það aftur.

3.       Umsækjendur þurfa jafnframt að hafa lokið UEFA A 1 (áður KSÍ V) þjálfaranámskeiði. Hins vegar verða þeir umsækjendur sem eiga eftir að taka UEFA A 1 námskeið að sitja það í haust, en námskeiðið fer fram 26. – 27. september. Þeir þjálfarar þurfa samt sem áður að skila inn umsókn fyrir tiltekin tíma og taka Þjálfaraskólann.

4.       Umsóknarfrestur er til föstudagsins 7. ágúst. Reiknað er með að fleiri þjálfarar sæki um námskeiðið en hægt er að taka inn. Umsækjendur þurfa því að fylla út umsóknareyðublað (viðhengi). Valið er inn eftir stigalista sem tekur mið að reynslu í þjálfun, leikmanna reynslu sem og menntun.

UEFA A 2 þjálfaranámskeiðið er hluti af UEFA A þjálfaragráðunni. Taflan sýnir dagskrá UEFA A þjálfaragráðunnar 2026-2027.

Hér að neðan má finna umsóknareyðublað að UEFA A 2 þjálfaranámskeiðinu sem og upplýsingar um Þjálfaraskóla KSÍ.

Þjálfaraskóli KSÍ

Umsóknareyðublað

Þjálfarar sem þurfa að vera með UEFA A þjálfaragráðu, samkvæmt reglugerð KSÍ um menntun knattspyrnuþjálfara, eru:

- Aðstoðarþjálfarar í efstu deild karla og kvenna

- Aðalþjálfarar í 1. deild karla og kvenna og 2. deild karla

KSÍ vekur athygli á því að síðasti dagur til að skila inn umsókninni er 7. ágúst næstkomandi, en auðvitað má skila umsóknum fyrr. Ljúka þarf KSÍ A þjálfaraskólanum í síðasta lagi 7. ágúst.

Á námskeiðinu er 100% mætingarskylda og það er bæði bóklegt og verklegt. Þátttakendur gætu þurft að taka þátt í verklegum tímum. Á námskeiðinu kenna kennarar frá KSÍ og erlendir fyrirlesarar. Hluti námskeiðsins fer fram á ensku.

Allar nánari upplýsingar um námskeiðið veita Dagur Sveinn Dagbjartsson í dagur@ksi.is og Arnar Bill Gunnarsson í arnarbill@ksi.is