Sunnudaginn 1. mars fór fram Unified fótboltamót í Miðgarði í Garðabæ, þar sem sameiginlegt lið Stjörnunnar og Asparinnar steig á völlinn ásamt gestaliðum frá Val, Selfossi, Víking og öðrum vinum hópsins. Stjarnan sendi einnig stóran iðkendahóp til leiks og meistaraflokkar félagsins sáu um dómgæslu.

Mótið var haldið í anda Special Olympics Unified, þar sem fatlaðir og ófatlaðir iðkendur spila saman með áherslu á jafnræði, liðsheild og gleði.

Um 100 þátttakendur tóku þátt í mótinu og mátti sjá skemmtileg tilþrif, mikla gleði og vináttubönd myndast. 

Fulltrúar Lions ásamt landsliðskonum úr U-19 afhentu verðlaun en alþjóða Lionshreyfingin styrkti verkefnið í gegnum Special Olympic hreyfinguna. Fyrrum landsliðskonan Ásta Árnadóttir sá um mótsstjórn og stóð heldur betur fyrir sínu. 

Mynd með frétt: Toggi Pop