Valmynd
Valmynd
5. júlí 2017
VITA Sport ætlar að bjóða upp á lest frá Helsinki til Tampere á landsleik Finnlands og Íslands. Lestin fer klukkan 16:28 frá lestarstöð í Helsinki sem er 200 m frá körfuboltahöllinni þar sem körfuboltalandslið Íslands leikur fyrr um daginn, klukkan 14:00. Lestin stoppar síðan 400 m frá vellinum í Tampere, áætluð koma þangað er klukkan 18:20 og hefst leikurinn 19:00.
4. júlí 2017
U16 ára lið kvenna lék seinasta leik sinn í riðlakeppni á Opna Norðurlandamótinu í dag en leiknum lauk með frábærum 3-2 sigri á Svíum. Seinasti leikur Íslands verður á fimmtudaginn en þá er leikið um 3. - 4. sæti en mótherjar Íslands í leiknum er Þýskaland. Leikurinn hefst klukkan 11:00 að íslenskum tíma.
4. júlí 2017
U16 ára landslið kvenna leikur í dag þriðja og síðasta leik sinn í riðlakeppni Norðurlandamótsins sem haldið er í Finnlandi. Svíþjóð er andstæðingur Íslands í dag og hefst leikurinn klukkan 15:30 að íslenskum tíma.
3. júlí 2017
KSÍ hefur fengið 500 miða til viðbótar á leikinn gegn Finnlandi, en áður höfðu allir 2000 miðar sem fengust selst upp. Völlurinn tekur um 16.800 manns í sæti og því er ljóst að stuðningur við liðið verður mikill á leiknum.
2. júlí 2017
Ísland lék í dag annan leik sinn á Norðurlandamóti U16 kvenna þegar liðið mætti Frakklandi. Fyrri hálfleikur var nokkuð jafn og íslenska liðið spilaði vel, þó Frakkar hafi aðeins verið meira með boltann án þess að skapa mikla hættu.
1. júlí 2017
U16 kvenna hóf Norðurlandamótið með góðum sigri á Finnlandi, 2-1. Áslaug Munda Gunnlaugsdóttir kom Íslandi yfir í fyrri hálfleik. Finnar náðu að jafna eftir hlé, en Barbára Sól Gísladóttir skoraði síðan sigurmark Íslands um miðjan seinni hálfleik og þar við sat.
30. júní 2017
U16 kvenna leikur á Norðurlandamótinu næstu vikuna og er fyrsti leikur liðsins í dag gegn Finnlandi. Fer mótið fram í Oulu í Finnlandi. Ísland er í riðli með Finnlandi, Svíþjóð og Frakklandi en næsti leikur liðsins er á sunnudaginn gegn Frakklandi. Síðasti leikur riðilsins er síðan á þriðjudaginn gegn Svíþjóð.
29. júní 2017
Miðarnir sem keyptir voru á EM 2017 á midi.is eru komnir til landsins og verða afhentir á skrifstofu KSÍ á Laugardalsvelli. Skrifstofan er opin virka daga frá kl. 08:30-16:00.
22. júní 2017
Freyr Alexandersson, landsliðsþjálfari, tilkynnti í dag lokahóp leikmanna sem munu leika á EM í Hollandi. Valdir voru 23 leikmenn í hópinn en 8 aðrir leikmenn eru tilbúnir að koma til móts við liðið verði skakkaföll á hópnum fyrir fyrsta leik.
19. júní 2017
Jörundur Áki Sveinsson hefur valið eftirtalda leikmenn fyrir NM U16 kvenna dagana 29. júní -7.júlí næstkomandi. Leikið er í Oulu í Finnlandi.
13. júní 2017
Aðsóknarmet var slegið á Laugardalsvelli í dag þegar 7.521 áhorfandi mætti á kveðjuleik A landsliðs kvenna sem senn heldur til Hollands til að taka þátt í lokakeppni EM. Andstæðingurinn í dag var Brasilía sem er eitt besta landslið í heimi.
13. júní 2017
Freyr Alexandersson landsliðsþjálfari hefur valið þá 11 leikmenn sem hefja leik gegn Brasilíu á Laugardalsvelli í dag. Leikurinn, sem er lokaleikur liðsins fyrir lokakeppni EM, hefst kl. 18:30 og verður sýndur í opinni dagskrá á Stöð 2 Sport.
12. júní 2017
Út er komin rafræn leikskrá fyrir leik Íslands og Brasilíu en í henni má finna viðtöl við Frey Alexandersson, landsliðsþjálfara, og Margréti Láru Viðarsdóttur, fyrirliða landsliðsins.
12. júní 2017
U19 ára landslið kvenna lék síðasta leik sinn í milliriðli EM í morgun. Leikurinn var gegn Sviss og endaði hann með 2-2 jafntefli. Ísland byrjaði leikinn af krafti og skoraði Ásdís Karen Halldórsdóttir fyrsta mark leiksins á 4. mínútu.
12. júní 2017
Ísland tekur á móti Brasilíu í vináttulandsleik í dag. Leikurinn hefst kl. 18:30 og verður leikið á Laugardalsvelli. Þetta er síðasti leikur Íslands fyrir úrslitakeppni EM sem hefst í Hollandi í júlí.  Þetta er í fyrsta skipti sem landslið frá Brasilíu leikur landsleik í knattspyrnu hér á landi.
11. júní 2017
Heimir Hallgrímsson landsliðsþjálfari hefur valið þá 11 leikmenn sem hefja leik gegn Krótötum í undankeppni HM í dag. Leikurinn hefst kl. 18:45 og fyrir þá sem ekki eiga miða á leikinn er tilvalið að mæta í Laugardalinn og horfa á leikinn á risaskjá sem settur hefur verið upp á bílastæðinu fyrir framan völlinn.
11. júní 2017
Þá er runninn upp leikdagur og allt að verða klárt á Laugardalsvelli fyrir stórleik Íslands og Króatíu í undankeppni HM 2018. Leikurinn hefst kl. 18:45 en Fan Zone opnar á bílastæðinu fyrir framan Laugardalsvöll kl. 16:45.
11. júní 2017
A landslið karla vann mikilvægan sigur á Króötum í undankeppni HM 2018 á Laugardalsvelli í kvöld. Leikurinn endaði 1-0 fyrir Ísland sem nú er komið upp að hlið Króata í efsta sæti riðilsins með 13 stig.
