Valmynd
Valmynd
22. janúar 2016
KSÍ hefur komist að samkomulagi við Knattspyrnusamband Liechtenstein um vináttuleik A karla á Laugardalsvelli 6. júní.  Leikmenn og stuðningsmenn íslenska liðsins fá því tækifæri til að kveðjast á heimavelli áður en haldið er í víking til Frakklands.
21. janúar 2016
KSÍ hefur komist að samkomulagi við Knattspyrnusamband Danmerkur um vináttuleik A landsliðs karla fimmtudaginn 24. mars næstkomandi.  Leikið verður í Herning í Danmörku.  Áður hafði verið tilkynnt um vináttuleik við Grikki í Aþenu 29. mars.  
18. janúar 2016
Íslendingar búsettir hérlendis sem erlendis, sem og erlendir ríkisborgarar búsettir hérlendis, gátu sótt um miða á leiki Íslands á EM 2016 til 18. janúar, í svæði á leikvangi sem voru sérstaklega ætluð stuðningsmönnum Íslands. 
18. janúar 2016
Það er búið að loka umsóknarglugganum vegna miða á leiki Íslands á EM í Frakklandi, þ.e. í þau svæði sem ætluð eru stuðningsmönnum íslenska liðsins. Þúsundir Íslendinga sóttu um miða en UEFA mun svara þeim sem sóttu um fyrir 29. febrúar.
16. janúar 2016
Eftirtaldir leikmenn hafa verið valdir til að taka þátt í úrtaksæfingum vegna U19 liðs kvenna. Æfingarnar fara fram undir stjórn Þórðar Þórðarsonar þjálfara U19 landsliðs Íslands.
16. janúar 2016
Íslenska karlalandsliðið tapaði seinni vináttulandsleik sínum í Sameinuðu arabísku furstadæmunum í dag en mótherjarnir í dag voru heimamenn. Niðurstaðan í leiknum, sm fram fór í Dubai var, 2-1.
15. janúar 2016
A landslið karla leikur seinni vináttuleik sinn í æfingaferðinni til Sameinuðu arabísku furstadæmanna á laugardag. Leikið er gegn heimamönnum, leikurinn er í beinni útsendingu á RÚV og hefst hann kl. 14:15 að íslenskum tíma. Fimm breytingar eru gerðar á byrjunarliði Íslands milli leikja.
14. janúar 2016
Knattspyrnusamband Íslands og Knattspyrnusamband Noregs hafa gert samkomulag um að A-landslið karla leiki vináttulandsleik 1. júní.
14. janúar 2016
Í dag, mánudag, er lokadagur til að sækja um miða á EM í Frakklandi en miðasalan fer fram á vef UEFA (www.euro2016.com). Hægt er að sækja um miða til klukkan 11:00 og hvetjum við alla sem eiga eftir að sækja um miða að fara á vef UEFA og ganga frá umsókn.
13. janúar 2016
Íslenska karlalandsliðið vann í dag 1-0 sigur á Finnlandi í vináttulandsleik en leikið var í Abu-Dhabi. Þar sem ekki er um ræða alþjóðlega landsleikjadaga þá er íslenska liðið skipað leikmönnum frá Norðurlöndunum, Kína og Rússlandi.
13. janúar 2016
Eftirtaldir leikmenn hafa verið valdar í æfingahóp A landsliðs kvenna. Æfingarnar fara fram undir stjórn Freys Alexanderssonar landsliðsþjálfara.
13. janúar 2016
A landslið karla mætir Finnlandi í vináttuleik á Military Sports Complex leikvanginum í Abu Dhabi í dag, miðvikudag.  Leikurinn, sem er í beinni sjónvarpsútsendingu á RÚV, hefst kl. 16:00 að íslenskum tíma.  Byrjunarlið Íslands hefur verið opinberað.
11. janúar 2016
A landslið karla er nú statt í Sameinuðu arabísku furstadæmunum (SAF), þar sem liðið er í æfingabúðum, og mun leika tvo vináttuleiki.  Fyrri leikurinn er við Finna á miðvikudag, en finnska liðið mætti Svíum á sunnudag og tapaði með þremur mörkum gegn engu.
8. janúar 2016
Úrtaksæfingar fyrir U17 karla fara fram 15. - 17. janúar. Æfingarnar fara fram í Kórnum og Egilshöll undir stjórn Halldórs Björnssonar, þjálfara U17 landsliðs karla.
7. janúar 2016
Hópurinn sem mun leika við Finnland og Sameinuðu Arabísku Furstadæmin í Abu-Dhabi var tilkynntur í dag. Landsliðið mun leika tvo landsleiki í ferðinni en það er gegn Finnlandi þann 13. janúar og Sameinuðu Arabísku Furstadæmin þann 16. janúar.
7. janúar 2016
Íslenska karlalandsliðið í knattspyrnu er áfram í 36. sætinu á heimslista FIFA sem gefinn var út í fyrsta skipti á þessu ári í dag, fimmtudag. Fáir landsleikir hafa verið síðan listinn var birtur seinast og því ekki mikil hreyfing á liðunum á listanum.
5. janúar 2016
Gunný Gunnlaugsdóttir hefur verið ráðin til starfa á skrifstofu KSÍ frá og með 5. janúar.  Hún mun m.a. sinna verkefnum tengdum landsliðum.
5. janúar 2016
Til stóð að U21 landslið karla myndi leika gegn U23 landsliði Katar í Antalya í Tyrklandi miðvikudaginn 6. janúar.  Síðla dags á mánudag 4. janúar bárust þær upplýsingar að vegna veðurs og aðstæðna í Antalya myndi lið Katar halda heim áður en leikur liðanna færi fram.  Því er ljóst að ekki verður af leiknum.
