Valmynd
Valmynd
23. september 2015
Handhafar A og DE skírteina frá KSÍ fá afhenta aðgöngumiða á leik Íslands og Lettlands í undankeppni EM A landsliða karla, fimmtudaginn 24. september frá kl. 12:00 á hádegi til kl. 16:00, eða á meðan birgðir endast. Miðarnir verða afhentir á skrifstofu KSÍ gegn framvísun skírteinis.
22. september 2015
Íslenska landslið skipað leikmönnum 17 ára og yngri vann góðan sigur á Kasakstan fyrr í dag. Leikurinn var liður í undankeppni EM og fór fram á Grindavíkurvelli.
22. september 2015
Það var vel mætt á leik Íslands og Hvíta-Rússlands í kvöld en 3013 mættu á leikinn og studdu vel við bakið á stelpunum okkar. Stuðningsmannafélagið Tólfan lét ekki sitt eftir liggja og fjölmennti á leikinn og var stemningin í stúkunni hreint út sagt frábær.
22. september 2015
Kvennalandsliðið fer vel af stað í undankeppni EM en liðið vann öruggan 2-0 sigur á Hvít-Rússum á Laugardalsvelli. Sigurinn hefði hæglega getað orðið stærri en Margrét Lára Viðarsdóttir misnotaði víti í leiknum og leikmenn Hvíta Rússlands áttu fá marktækifæri.
22. september 2015
Freyr Alexandersson hefur tilkynnt um byrjunarliðið sem mætir Hvít Rússum.
22. september 2015
Kvennalandsliðið hefur leik í kvöld í undankeppni EM en fyrsti leikur liðsins er gegn Hvít Rússum. Ísland er í riðli með Makedóníu, Skotlandi Slóveníu og Hvít Rússum og það skiptir gríðarlega miklu máli að byrja undankeppnina vel.
21. september 2015
Heill riðill fyrir undankeppni EM verður leikinn á Íslandi næstu daga. Um er að ræða landslið skipuð leikmönnum 17 ára og yngri en Ísland er í riðli með Grikklandi, Danmörku og Kasakstan.
21. september 2015
Íslenska kvennalandsliðið hefur leik í undankeppni EM á morgun, þriðjudag. Í tilefni af því er komin út vegleg leikskrá þar sem lesa má viðtöl við þjálfara og fyrirliða sem og eru gagnlegar upplýsingar um leikinn og umgjörð leiksins.
20. september 2015
Íslenska kvennalandsliðið í knattspyrnu sneri í dag bökum saman í baráttunni gegn einelti. Af því tilefni færði Landsbankinn öllum leikmönnum landsliðsins glæsilegt Á allra vörum-varasett, en bankinn er bakhjarl bæði landsliðsins og landssöfnunarinnar.
20. september 2015
Íslenska U19 ára landslið kvenna kemst ekki áfram á EM en liðið tapaði 2-0 gegn Sviss í lokaleik undankeppninnar í dag. Fyrra mark Sviss kom í fyrri hálfleik en það seinna undir lok leiksins. Ísland þurfti að vinna leikinn til að eiga möguleika á að komast áfram en eftir óvænt tap gegn Grikklandi þá voru möguleikarnir alltaf litlir.
17. september 2015
A landslið kvenna mætir Slóvakíu í vináttulandsleik á Laugardalsvelli í kvöld, fimmtudagskvöld, og hefst leikurinn kl. 18:00. Leikurinn er í beinni vefútsendingu á Sport TV, í boði KSÍ. Með þessari ráðstöfun er tryggt að knattspyrnuáhugafólk um land allt sem ekki kemst á leikinn getur séð hann í flottum gæðum á Sport TV.
17. september 2015
U19 ára lið kvenna leikur í dag, fimmtudag, annan leik sinn í undankeppni EM. Leikurinn er gegn Grikklandi en Grikkir töpuðu fyrsta leik sínum gegn Sviss í keppninni. Ísland vann hinsvegar sannfærandi 6-1 sigur á Georgíu í fyrsta leiknum.
17. september 2015
Kvennalandsliðið vann 4-1 sigur á Slóvakíu í vináttuleik á Laugardalsvelli í kvöld, fimmtudag. Leikurinn er liður í undirbúningi liðsins fyrir undankeppni sem en Ísland mætir Hvít Rússum í fyrsta leik riðilsins á þriðjudag.
17. september 2015
Íslenska kvennalandsliðið leikur vináttuleik við Slóvakíu á Laugardalsvelli í kvöld, fimmtudag. Um er að ræða undirbúningsleik undir komandi leiki í undankeppni EM en liðið leikur fyrsta leik sinn í undankeppninni á þriðjudaginn gegn Hvít Rússum.
17. september 2015
Ísland mætir Slóvakíu í vináttuleik á Laugardalsvelli klukkan 18:00 í dag, fimmtudag. Leikurinn er hluti af undirbúningi liðsins fyrir undankeppni EM en Ísland leikur við Hvít Rússa á þriðjudaginn. Hér að neðan má sjá byrjunarlið Íslands í leiknum gegn Slóvakíu.
17. september 2015
U19 kvenna tapaði gegn Grikkjum í öðrum leik sínum í undankeppni EM, en liðin mættust í dag, fimmtudag, á Colovray-leikvanginum við höfuðstöðvar UEFA í Sviss.  Lokatölur voru 2-1 Grikkjum í vil og eru þessi lið bæði með 3 stig eftir tvo leiki.
16. september 2015
Icelandair býður uppá ferð á leik Íslands og Tyrklands í undankeppni EM 2016. Boðið er uppá þriggja nátta ferð en leikurinn fer fram þann 13. október næstkomandi á Konya Buyuksehir Stadium.
16. september 2015
Halldór Björnsson þjálfari U17 karla hefur valið hóp leikmanna sem taka þátt í undanriðli EM fyrir hönd Íslands. Undanriðillinn verður spilaður á Íslandi 22. – 27. September. Í viðhengi er leikmannahópurinn og dagskrá. Athugið að æfingar hefjast á morgun, miðvikudaginn 16. September kl 16:00 en æft verður á grasinu fyrir utan kórinn í Kópavogi.
