Valmynd
Flýtileiðir
Valmynd
6. september 2015
Við búumst við góðri stemningu í stúkunum á leik Íslands og Kasakstan í kvöld. Stemningin hefur aukist til muna undanfarna leiki og má þakka frábærum liðsmönnum Tólfunnar fyrir sinn þátt í því en almennt er fólk farið að taka betur undir á meðan á leik stendur.
6. september 2015
Íslenska A-landslið karla leikur í kvöld við Kasakstan í A-riðli undankeppni EM. Það er mikið undir í leiknum en með hagstæðum úrslitum getur íslenska liðið tryggt sér farseðli á lokakeppni EM í Frakklandi.
5. september 2015
Ísland vann í dag 3-2 sigur á Frakklandi í U21 í undankeppni EM karla. Það verður ekki annað sagt um leikinn en að hann hafi verið hinn fjörugasti en auk fimm marka þá var markverði Frakka vísað af velli.
4. september 2015
Það hefur ekki farið framhjá neinum að leikur Íslands og Kasakstan er á sunnudaginn. Það er komin út leikskrá fyrir leikinn þar sem mikilvæg atriði sem tengjast leiknum koma fram eins og með bílastæði, leikmannahópur og fleira.
4. september 2015
Þórður Þórðarson, landsliðsþjálfari U19 kvenna, hefur valið 18 leikmenn í U19 landsliðið sem tekur þátt í undankeppni EM í Sviss 13. -21. október. Hér að neðan má sjá dagskrá landsliðsins og leikmannahópinn.
4. september 2015
Íslenska U21 árs landslið karla leikur á morgun, laugardag, við Frakka í undankeppni EM. Leikurinn fer fram á Kópavogsvelli og hefst hann klukkan 14:00. Íslenska liðið hefur leikið einn leik í riðlinum en það var gegn Makedóníu þar sem íslenska liðið vann 3-0 sigur.
3. september 2015
Íslenska landsliðinu nægir 1 stig til að tryggja sig í lokakeppni EM í Frakklandi eftir leiki kvöldsins. Tékkar unnu Kasakstan 2-1 og eru með 16 stig en Tyrkland og Lettar gerðu 1-1 jafntefli. Holland er með 10 stig, Tyrkir eru með 9, Lettar með 4 og Kasakstan rekur lestina með 1 stig.
3. september 2015
Ísland vann í kvöld frábæran sigur á Hollandi á Amsterdam ArenA. Gylfi Þór Sigurðsson skoraði mark Íslands í fyrri hálfleik úr víti eftir að brotið var á Birki Bjarnasyni í vítateig Hollendinga. Ísland er því með 18 stig í A-riðli eftir sigurinn en liðið leikur við Kasakstan á sunnudaginn.
3. september 2015
Holland tekur á móti Íslandi í undankeppni EM karla 2016 á Amsterdam Arena í kvöld, fimmtudagskvöld og hefst leikurinn kl. 18:45 að íslenskum tíma. Á fjórða þúsund Íslendinga verður á leikvanginum, sem tekur tæplega 53 þúsund áhorfendur. Leikurinn verður í beinni útsendingu á RÚV.
3. september 2015
Ísland fór upp um sæti á heimslista FIFA sem birtur var í dag, fimmtudag. Liðið fór í 23 sætið og hafði sætaskipti við Frakka sem nú verma 24. sætið. Danir fóru upp fyrir Ísland á listanum en danska liðið fór upp um 3 sæti frá seinasta lista og er í 22. sætinu.
2. september 2015
Það er stór dagur á fimmtudag þegar undankeppni EM karla 2016 heldur áfram.  Í riðli Íslands er heil umferð og fara allir leikirnir fram á sama tíma, eða kl. 18:45 að íslenskum tíma.  Sem kunnugt er mæta Íslendingar Hollendingum í Amsterdam, á meðan Tyrkir taka á móti Lettum og Kasakar heimsækja Tékka.
2. september 2015
A-landslið karla leikur við Holland á fimmtudag á Amsterdam ArenA sem er heimavöllur Ajax, en þessi glæsilegi leikvangur tekur 52.960 manns í sæti. Ríflega 3000 Íslendingar eða lauslega áætlað um 1% íslensku þjóðarinnar munu setja svip sinn á stúkuna og mæta á leikinn til að styðja við bakið á strákunum okkar.
2. september 2015
Samkvæmt upplýsingum frá hollenska knattspyrnusambandinu hafa, þegar þetta er skrifað að morgni miðvikudags, verið seldir 46.500 miðar á leik Hollands og Íslands í undankeppni EM 2016, sem fram fer á Amsterdam Arena á fimmtudag. Leikvangurinn tekur 52.960 manns í sæti og er búist við því að þeir miðar sem eru eftir seljist upp. 
1. september 2015
Þeir sem keyptu miða á leik Hollands og Íslands í undankeppni EM og hafa ekki þegar sótt þá geta nálgast miðana sína á miðvikudag og fimmtudag (leikdag) í Hollandi.
1. september 2015
Vegna meiðsla Rúnars Alex Rúnarsson kallar Eyjólfur Sverrisson þjálfari U21 karla Anton Ara Einarsson inn í landsliðhópinn gegn Frökkum og N-Írlandi.
1. september 2015
Þórður Þórðarson landsliðsþjálfari U19 kvenna hefur valið hóp til að æfa 3. september á grasvellinum fyrir utan Kórinn. Æfingin hefst 16:30 en hún er liður í undirbúningi U19 liðsins fyrir undanriðil Evrópumótsins sem spilaður verður í Sviss 15. – 20. september.
31. ágúst 2015
Ólafur Ingi Skúlason, leikmaður tyrkneska liðsins Genclerbirligi, hefur verið kallaður í hópinn og kemur hann til Amsterdam í kvöld, mánudag. Emil Hallfreðsson, leikmaður Verona á Ítalíu, er meiddur og mun ekki taka þátt í leiknum gegn Hollandi.
28. ágúst 2015
Heimir Hallgrímsson og Lars Lagerback, landsliðsþjálfarar, hafa tilkynnt hópinn sem leikur við Holland og Kasakstan í undankeppni EM en leikirnir fara fram þann 3. og 6. september.
