Valmynd
Valmynd
28. nóvember 2014
U23 landslið kvenna mun í janúar, leika vináttulandsleik gegn A landsliði Póllands og verður leikið í Kórnum. Leikið verður 14. janúar og þjóðirnar munu svo mætast aftur, þá í Póllandi, árið 2016. Landslið leikmanna U23 kvenna hefur aðeins leikið einn leik áður en það var árið 2012 þegar leikið var gegn Skotum ytra.
28. nóvember 2014
Herferðin "Við erum öll í sama liði" sem Icelandair framleiddi í samstarfi við KSÍ vann "Creativity and innovation award" á KISS verðlaunahátíðinni sem evrópska knattspyrnusambandið, UEFA, stendur fyrir. Verðlaunahátíðin er haldin á tveggja ára fresti. 
27. nóvember 2014
Íslenska karlalandsliðið fellur niður um 5 sæti á nýjum styrkleikalista FIFA sem gefinn var út í morgun.  Ísland er í 33. sæti listans en var í 28. sæti síðast þegar listinn var birtur.  Þjóðverjar eru sem fyrr í efsta sæti listans og Argentína kemur þar næst.
24. nóvember 2014
Um komandi helgi fara fram úrtaksæfingar hjá U16 karla í Boganum á Akureyri og hafa 22 leikmenn varið valdir á þessar æfingar frá sex félögum. Æfingarnar fara fram undir stjórn Freys Sverrissonar, landsliðsþjálfara U16 karla.
21. nóvember 2014
Helgina 29. og 30. nóvember verða æfingar hjá þremur landsliðshópum kvenna, U23, U19, og U17 kvenna.  Æfingarnar fara fram í Kórnum og Egilshöll og hafa landsliðsþjálfararnir, Freyr Alexandersson, Þórður Þórðarson og Úlfar Hinriksson, valið hópa á þessar æfingar.
21. nóvember 2014
Stelpurnar í U17 töpuðu naumlega fyrir finnska U18 liðinu en þetta var annar vináttulandsleikur Íslands í ferð þeirra til Finnlands. Lokatölur urðu 1 - 0 fyrir heimastúlkur eftir að markalaust hafði verið í hálfleik.
20. nóvember 2014
Stelpurnar í U17 leika í dag seinni vináttulandsleikinn gegn Finnum en leikið er í Eerikkla í Finnlandi. Úlfar Hinriksson, landsliðsþjálfari U17 kvenna, hefur tilkynnt byrjunarliðið fyrir leikinn og má sjá það að neðan. Leikurinn hefst kl 16.00 að íslenskum tíma og er í beinni á heimasíðu finnska sambandsins.
19. nóvember 2014
Dregið var í dag í milliriðla fyrir EM 2015 en leikið varður 4. - 9. april á næsta ári. Ísland er í riðli með Frökkum, Rússum og Rúmeníu og verður riðillinn leikinn í Frakklandi. Efsta þjóð hvers riðils tryggir sér sæti í úrslitakeppninni sem fram fer í Ísrael í júlí ásamt einni þjóð með bestan árangur í öðru sæti.
19. nóvember 2014
Í dag var dregið í undankeppni EM 2016 en keppnin hefst að hausti 2015.  Stelpurnar í U17 kvenna munu leika í Svartfjallalandi gegn heimastúlkum, Finnum og Færeyingum en leikirnar fara fram 22. - 27. október.  Hjá U19 lentu stelpurnar í riðli með Sviss, Grikklandi og Georgíu og verður leikið í Grikklandi.
18. nóvember 2014
Stelpurnar í U17 töpuðu fyrri vináttulandsleik sínum gegn Finnum í dag en leikið var í Eerikkila. Lokatölur urðu 2 - 0 fyrir heimastúlkur eftir að staðan hafði verið markalaus í leikhléi. Mörk Finna komu á 54. og 66. mínútu leiksins að fram að því hafði leikurinn verið nokkuð jafn.
18. nóvember 2014
Íslenska U17 ára landslið kvenna leikur í dag við Finna en um er að ræða vináttuleik. Leikið er í Eerikkilä en þar er fínasta veður, samt verður leikið innandyra.
17. nóvember 2014
Helgina 22.-23. nóvember næstkomandi fara fram landsliðsæfingar U16, U17 og U19 karla.
17. nóvember 2014
Breyting hefur verið gerð á leikmannahópi U17 kvenna sem leikur við Finna þann 18. og 20. nóvember. Kristín Þóra Birgisdóttir hefur þurft að draga sig úr hópnum en Rannveig Bjarnadóttir er komin í hópinn í hennar stað.
16. nóvember 2014
Ísland tapaði 2-1 gegn Tékklandi í uppgjöri toppliðanna í A-riðli í undankeppni EM. Tékkar voru sterkari aðilinn í leiknum og Ísland náði aldrei að sýna sömu takta og það hefur gert í undanförnum leikjum.
15. nóvember 2014
Þessi knattspyrnuvika í undankeppni EM 2016, eða „Week of football“, virðist ætla að vera söguleg fyrir minni aðildarþjóðir UEFA. Færeyingar unnu Grikki, liðsmenn Liechtenstein unnu Moldóva, og San Marínó krækti í stig gegn Eistlandi. Ísland mætir Tékklanid á sunnudag í toppslag A-riðils.
14. nóvember 2014
Leikið var í þremur riðlum í undankeppni EM á föstudagskvöld í þessari knattspyrnuviku, eða week og football", sem var að hefjast.  Þar bar helst til tíðinda að frændur okkar og bræður í Færeyjum unnu eins marks sigur á Grikkjum í Aþenu.  Þá unnu Danir Serba á útivelli.
14. nóvember 2014
Á sunnudaginn er stórleikur Tékklands og Íslands í undankeppni EM. Við viljum vita hvernig þú spáir úrslitum leiksins og fær einn heppinn Facebook-vinur okkar áritaða landsliðstreyju sem einmitt verður árituð af liðinu í Tékklandi.
13. nóvember 2014
Arnar Þór Viðarsson var sérstakur gestur KSÍ á vináttulandsleik Belga og Íslendinga í gærkvöldi en leikið var í Brussel. Arnar tók við sem aðalþjálfari Cercle Brugge í efstu deild í Belgíu nú í október en hann var áður aðstoðarþjálfari liðsins og einnig leikmaður.
