Valmynd
Valmynd
15. september 2014
Úlfar Hinriksson, landsliðsþjálfari U19 kvenna, hefur tilkynnt byrjunarliðið sem mætir Króatíu í dag í undankeppni EM.  Þetta er annar leikur Íslands í keppninni en Ísland vann öruggan sigur á gestgjöfunum í Litháen í fyrsta leiknum, 8 - 0.
13. september 2014
U19 landslið kvenna mætir Litháen í undankeppni EM í dag, laugardag, og hefst leikurinn kl. 13:00 að íslenskum tíma. Riðillinn er einmitt leikinn í Litháen, en önnur lið í riðlinum eru Króatía og Spánn. Byrjunarlið Íslands hefur verið opinberað og má sjá það með því að smella hér að neðan.
13. september 2014
Íslensku stelpurnar unnu öruggan sigur á Ísrael í undankeppni HM en leikið var á Laugardalsvelli. Lokatölur urðu 3 - 0 og skoruðu þær Dagný Brynjarsdóttir og Fanndís Friðriksdóttir mörkin í fyrri hálfleik og Sara Björk Gunnarsdóttir bætti við þriðja markinu.
13. september 2014
Freyr Alexandersson, þjálfari A landsliðs kvenna, hefur tilkynnt byrjunarliðið sem mætir Ísrael í undankeppni HM 2015 í dag, laugardag, á Laugardalsvelli kl. 17:00.  Tvær breytingar eru á byrjunarliðinu frá síðasta leik, gögn Dönum í síðasta mánuði.
13. september 2014
U19 landslið kvenna vann í dag, laugardag, yfirburðasigur, 8-0, á Litháen í undankeppni EM, en riðillinn fer fram í Kaunas í Litháen. Á sama tíma vann Spánn einnig stórsigur á Króatíu í hinum leik riðilsins. Næsta umferð fer fram á mánudag kl. 13:00 að íslenskum tíma og leikur þá Ísland gegn Spáni.
13. september 2014
Ísland tekur á móti Ísrael í dag í undankeppni HM kvenna en leikið verður á Laugardalsvelli kl. 17:00. Miðasala fer fram í gegnum miðasölukerfi hjá midi.is og einnig verður miðasala á Laugardalsvelli frá kl. 15:00.
12. september 2014
Ísland mun mæta Dönum í umspili fyrir úrslitakeppni U21 karla en dregið var í dag í höfuðstöðvum UEFA. Fyrri leikurinn verður ytra en sá seinni hér heima. Leikdagar eru fyrirhugaðir 8. og 14. október og mun koma staðfesting um þá síðar.
12. september 2014
Út er komin rafræn leikskrá fyrir næstu tvo verkefni A landsliðs kvenna en lokaleikir liðsins í undankeppni HM fara fram á næstu dögum. Leikið verður gegn Ísrael á Laugardalsvelli, laugardaginn 13. september kl. 17:00 og gegn Serbíu, miðvikudaginn 17. september kl. 17:00.
12. september 2014
Í dag verður dregið í umspilinu fyrir úrslitakeppni Em 2015 en úrslitakeppnin fer fram í Tékklandi.  Ísland er í pottinum og er í neðri styrkleikaflokki.  Mótherjar þeirra verða því eitt af liðunum sjö í efri styrkleikaflokki að undanskildum Frökkum sem voru með Íslandi í riðlakeppninni.
10. september 2014
Ísland tekur á móti Ísrael í undankeppni HM á Laugardalsvelli, laugardaginn 13. september kl.17:00. Knattspyrnuáhugafólk er hvatt til þess að fjölmenna á völlinn á laugardaginn og sýna okkar stúlkum þann stuðning sem þær eiga skilið.
10. september 2014
Eins og kunnugt er heldur KSÍ úrslitakeppni EMU17 kvenna 2015 og fær því Íslands sjálfkrafa keppnisrétt í úrslitakeppninni. Undirbúningur er þegar hafin og næsta skref í því ferli eru mælingar leikmanna.
10. september 2014
Icelandair býður upp á hópferð á næsta leik Íslands í undankeppni EM en þá verður leikið gegn Lettum í Riga. Stuðningurinn á Laugardalsvelli gegn Tyrkjum var magnaður og væri allur stuðningur gegn Lettum vel þeginn. Leikið verður föstudaginn 10. október.
9. september 2014
Hægt er að sjá svipmyndir úr landsleikjunum í undankeppni EM á heimasíðu UEFA en helstu atriði leikjanna sem fram fóru á sunnudaginn eru nú aðgengilegir á síðunni.
9. september 2014
Leikur Íslands og Tyrklands hefst kl. 18:45 á Laugardalsvelli í kvöld. Gott er að minna gesti Laugardalsvallar á að það er fjöldi bílastæða í Laugardalnum og aðeins lítill hluti þeirra beint fyrir utan Laugardalsvöllinn. Á myndinni hér að neðan má sjá hvar hægt er að finna bílastæði í göngufæri við Laugardalsvöll.
9. september 2014
Ísland tekur á móti Tyrkjum í kvöld á Laugardalsvelli en þetta er fyrsti leikur Íslands í undankeppni EM 2016. Leikurinn hefst kl. 18:45 og enn er hægt að fá miða á leikinn en miðasala er í gegnum miðasölukerfi hjá midi.is og einnig hefst miðasala á Laugardalsvelli kl. 12:00 á hádegi.
9. september 2014
Strákarnir í U21 gerðu jafntefli gegn Frökkum í kvöld en leikið var í Auxerre í Frakklandi. Lokatölur urðu 1 - 1 og jafnaði Kristján Gauti Emilsson metin á 80. mínútu með skalla eftir hornspyrnu. Nú þarf að bíða eftir úrslitum kvöldsins til að sjá hvort þessi stig dugi íslenska liðinu en fjölmargir leikir eru í dag og í kvöld sem hafa áhrif á stöðu Íslands.
9. september 2014
Í kvöld varð endanlega ljóst að U21 karlalandsliðið verður í pottinum þegar dregið verður í umspilð fyrir úrslitakeppnina 2015 en hún fer fram í Tékklandi. Dregið verður í höfuðstöðvum UEFA en 14 þjóðir verða í pottinum.
9. september 2014
Þeir sem höfðu vonast eftir góðri byrjun íslenska landsliðsins í undankeppni EM fengu svo sannarlega mikið fyrir sinn snúð á Laugardalsvelli í kvöld.  Tyrkir voru lagðir að velli, 3 - 0, í frábærum leik þar sem íslensku strákarnir voru betri aðilinn allan leikinn.
