Valmynd
Valmynd
30. maí 2014
Strákarnir í U19 náðu sér engan veginn á strik í dag þegar leikið var gegn Serbum í milliriðli EM en leikið er í Dublin.  Lokatölur urðu 6 – 0 fyrir Serba sem leiddu með tveimur mörkum í leikhléi. Íslenska liðið á því ekki lengur möguleika á efsta sæti riðilsins en liðið leikur lokaleik sinn í riðlinum, gegn Tyrkjum, á mánudaginn.
30. maí 2014
Handhafar A og DE skírteina frá KSÍ fá aðgöngumiða á vináttulandsleik karlalandsliða Íslands og Eistlands afhenta þriðjudaginn 3. júní frá kl. 10:00 til kl. 16:00. Miðarnir verða afhentir á skrifstofu KSÍ gegn framvísun skírteinis.
30. maí 2014
Svíar hafa tilkynnt hópinn er mætir Íslendingum í vináttulandsleik hjá U21 karla, fimmtudaginn 5. júní kl. 19:15, á Norðurálsvellinum á Akranesi. Svíar velja 20 leikmenn og koma flestir frá liðum í Svíþjóð en einnig eru leikmenn sem eru á mála hjá félögum eins og Arsenal, Benfica, Chelsea og Liverpool.
29. maí 2014
KSÍ hefur ákveðið bjóða yngri flokkum og forráðamönnum flokka (3. flokkur og yngri) allra aðildarfélaga miða á vináttulandsleik Íslands og Eistlands sem fram fer á Laugardalsvelli miðvikudaginn 4. júní og hefst kl. 19:15.
29. maí 2014
Austurríki og Ísland mætast í vináttuleik A landsliða karla í Innsbrück á föstudag.  Vefur KSÍ hitti landsliðsmiðverðina Ragnar Sigurðsson og Sölva Geir Ottesen á liðshótelinu í Austurríki og spjallaði við þá um komandi verkefni og fótboltann í Rússlandi.
28. maí 2014
Strákarnir í U19 töpuðu fyrsta leik sínum í milliriðli EM í kvöld en riðillinn er leikinn á Írlandi. Leikið var gegn heimamönnum sem höfðu betur, 2 - 1, eftir að staðan hafði verið markalaus í leikhléi. Næsti leikur Íslands er gegn Serbum á föstudaginn en þeir gerðu 1 - 1 jafntefli gegn Tyrkjum fyrr í dag.
28. maí 2014
Annar af þjálfurum A landsliðs karla, Lars Lagerbäck, og fyrirliði liðsins, Aron Einar Gunnarsson, sátu fyrir svörum á blaðamannafundi sem haldinn var á Tivoli Stadion í Innsbrück í dag, miðvikudag. Austurríki og Ísland mætast þar í vináttulandsleik á föstudag.
28. maí 2014
Strákarnir í U19 hefja í kvöld leik í milliriðli fyrir EM en riðillinn er leikinn á Írlandi. Það eru einmitt heimamenn sem eru fyrstu mótherjarnir en leikurinn hefst á Tallaght Stadium í Dublin kl. 18:00 að íslenskum tíma. Hinn leikur riðilsins hefst kl. 15:00 en þar mætast Serbar og Tyrkir. Kristinn R. Jónsson, landsliðsþjálfari U19 karla, hefur tilkynnt byrjunarliðið.
28. maí 2014
Nokkuð er fjallað um vináttulandsleik Austurríkis og Íslands í Austurrískum fjölmiðlum og rætt við leikmenn og þjálfara úr röðum heimamanna, en einnig er rætt við Helga Kolviðsson, sem þjálfað hefur Austria Lustenau við góðan orðstír. 
28. maí 2014
Í viðtali við austurríska fjölmiðla segjast Austurríkismenn nota vináttuleikinn við Ísland á föstudag til að undirbúa sig undir leikina við Svía í undankeppni EM 2016, en auk fyrrgreindra þjóða eru Rússar, Moldóvar, Svartfellingar og Liechtenstein-menn í G-riðli.
26. maí 2014
A landslið karla mætir Eistlandi í fyrsta og eina vináttulandsleik liðsins á Laugardalsvelli á árinu þann 4. júní næstkomandi.  Áður heldur liðið þó til Austurríkis þar sem leikið verður við heimamenn í Innsbrück.  Eistneska landsliðið hefur nóg að gera fram að leiknum í Reykjavík. 
26. maí 2014
Knattspyrnusamband Austurríkis hefur tilkynnt landsliðshópinn fyrir vináttuleikinn við Ísland, en liðin mætast í Innsbrück föstudaginn 30. maí.  Marcel Koller, hinn svissneski þjálfari austurríska liðsins, hefur valið 24 manna hóp, og 9 að auki eru til vara utan hóps.
23. maí 2014
A landslið karla leikur tvo vináttulandsleiki á næstu vikum, fyrst gegn Austurríki í Innsbrück 30. maí og svo gegn Eistlandi á Laugardalsvellinum 4. júní.  Þjálfarar liðsins, þeir Heimir Hallgrímsson og Lars Lagerbäck, hafa tilkynnt leikmannahópinn fyrir þessa tvo leiki.
22. maí 2014
Gerðar hafa verið þrjár breytingar á leikmannahópi U19 karla, sem leikur í milliriðli EM á Írlandi um mánaðamótin.  Þrír leikmenn úr upprunalega hópnum verða ekki með og í þeirra stað hefur Kristinn R. Jónsson, þjálfari íslenska liðsins, valið þá Heiðar Ægisson úr Stjörnunni, Jón Ingason úr ÍBV og Sindra Björnsson úr Leikni R.
21. maí 2014
FIFA fagnar í dag, miðvikudaginn 21. maí, 110 ára afmæli. Stofnfundurinn var haldinn að Rue St. Honore nr. 229 í París, þar sem saman voru komnir fulltrúar knattspyrnusambanda Frakklands, Belgíu, Danmerkur, Hollands, Spánar, Svíþjóðar og Sviss.
20. maí 2014
A landslið karla mætir Eistlandi í vináttulandsleik á Laugardalsvelli miðvikudaginn 4. júní kl. 19:15.   Forsala á leikinn er í gangi og er minnt á að forsöluafsláttur er 500 krónur af fullu verði og enn fremur 50% afsláttur af fullu verði  fyrir 16 ára og yngri.
19. maí 2014
U19 landslið karla leikur í milliriðli fyrir EM og fer riðillinn fram á Írlandi dagana 26. maí til 3. júní.  Með Íslandi í milliriðlinum eru heimamenn, Serbar og Tyrkir.  Kristinn Rúnar Jónsson er þjálfari liðsins og hefur hann valið 18 manna leikmannahóp.  
14. maí 2014
Íslenskt drengjalandslið skipað leikmönnum fæddum 1999 og síðar leikur á Ólympíuleikum ungmenna sem fram fara í Nanjing í Kína í sumar.  Dregið hefur verið í riðla fyrir Ólympíuleikana og er Ísland í riðli með tveimur Ameríkuliðum – Hondúras og Perú. 
