Valmynd
Valmynd
3. september 2010
Það voru Norðmenn sem höfðu betur í Laugardalnum í kvöld þegar Ísland og Noregur hófu leik í undankeppni fyrir EM 2012. Lokatölur urðu 1 - 2 en Íslendingar leiddu í leikhléi 1 - 0. Heiðar Helguson kom Íslendingum yfir á 38. mínútu.
3. september 2010
Ólafur Jóhannesson, landsliðsþjálfari, hefur tilkynnt byrjunarlið sitt sem mætir Norðmönnum í undankeppni fyrir EM 2012. Leikurinn fer fram á Laugardalsvelli og hefst núna kl. 19:00. Hægt er að kaupa miða í miðasölu Laugardalsvallar sem og á netinu.
3. september 2010
Ísland mætir Noregi í undankeppni fyrir EM 2012 í kvöld á Laugardalsvelli og hefst leikurinn kl. 19:00.  Þetta er fyrsti leikur Íslands í þessari undankeppni en strákarnir leika svo gegn Dönum næstkomandi þriðjudag ytra. Miðasala hefst á Laugardalsvelli kl. 10:00 en hægt verður einnig að kaupa miða á netinu fram að leik.
3. september 2010
Vert er að vekja athygli á heimasíðunni http://www.ibs.is/ en þar er hægt að senda strákunum í landsliðinu baráttukveðjur fyrir leikina gegn Noregi og Danmörku í boði Icelandair.  Þeir Benedikt Bóas Hinriksson og Elvar Geir Magnússon hafa einnig verið á ferðinni og tekið upp viðtöl og annað efni sem einnig er að finna á þessari síðu.
2. september 2010
Í hálfleik á viðureign Íslands og Noregs á föstudag munu þrír heppnir vallargestir fá tækifæri til að spreyta sig í erfiðri þraut.  Reynt verður að hitta þverslá marks af 35 metra færi, og vinningurinn ef það tekst er af glæsilegri tegundinni - ferð fyrir tvo útlanda með Icelandair!
2. september 2010
Að venju verður Tólfan í I hólfi á leik Íslands og Noregs sem fer fram á Laugardalsvelli á kl. 19:00.  Allir þeir sem hafa áhuga á því að hvetja sitt lið með jákvæðum hætti eru í Tólfunni og velkomnir í hópinn.
2. september 2010
Í hálfleik á viðureign Ísland og Noregs á föstudagskvöld mun hópur barna úr Fossvogsskóla flytja nýja útgáfu á þjóðsöng Íslendinga.  Um þessar mundir er unnið að því verkefni að gefa íslenska þjóðsönginn út sem kennsluefni fyrir grunnskóla og heimili landsins. 
2. september 2010
Áfram Ísland stuðningmannaklúbburinn er búinn að skipuleggja upphitun fyrir leikinn Danmörk - Ísland í undankeppni fyrir EM 2012.  Leikurinn verður þriðjudaginn 7. september á Parken og byrjar kl 20:15 að staðartíma.
2. september 2010
Ólafur Þór Guðbjörnsson, landsliðsþjálfari, hefur valið hópinn er fer til Búlgaríu til þess að leika í forkeppni fyrir EM 2011. Auk heimastúlkna leikur Ísland þar gegn Ísrael og Úkraínu. Leikirnir fara fram dagana 11. - 18. september.
1. september 2010
Eyjólfur Sverrisson, landsliðsþjálfari U21 karla, hefur bætt við tveimur leikmönnum í hópinn fyrir leikinn gegn Tékkum sem fer fram þriðjudaginn 7. september. Þeir Guðmundur Reynir Gunnarsson úr KR og Elfar Freyr Helgason úr Breiðabliki koma inn í hópinn.
1. september 2010
Það var létt yfir íslenska landsliðshópnum á æfingu í Keflavík á þriðjudag.  Liðið æfði á Keflavíkurvelli við afar góðar aðstæður og greinileg tilhlökkun í mannskapnum fyrir leikinn við Noreg á föstudag.  Strákarnir vonast eftir sem flestum á leikinn og treysta á öflugan og háværan stuðning.
31. ágúst 2010
Handhafar A-passa frá KSÍ fá aðgöngumiða á leikinn Ísland - Noregur afhenta fimmtudaginn 2. september frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
31. ágúst 2010
Eyjólfur Sverrisson, landsliðsþjálfari U21 karla, hefur valið hópinn sem mætir Tékkum, þriðjudaginn 7. september.  Leikurinn fer fram í Jablonec og hefst kl. 15:00 að íslenskum tíma.  Þrír nýliðar eru í hópnum að þessu sinni.
31. ágúst 2010
Senn líður að stórleik Íslands og Noregs fer fram á Laugardalsvelli, föstudaginn 3. september kl. 19:00.  Miðasala er í fullum gangi og um að gera fyrir knattspyrnuáhugafólk að tryggja sér miða á þennan fyrsta leik Íslendinga í undankeppni EM 2012.  Afsláttur er veittur af miðaverði ef keypt er í forsölu á netinu en forsölu lýkur fimmtudaginn 2. september.
31. ágúst 2010
Það verður ítalskur dómarakvartett á viðureign Íslands og Noregs á Laugardalsvelli á föstudag.  Dómarinn heitir Luca Banti.  Leikurinn hefst kl. 19:00 og er fyrstu leikur liðanna í undankeppni EM 2012.
31. ágúst 2010
Tilkynnt hefur verið um tvær breytingar á norska landsliðshópnum sem tilkynntur var fyrir fyrstu leiki liðsins í undankeppni EM 2012.  Þeir Per Ciljan Skjeldbred og John Carew eru meiddir og verða ekki með Norðmönnum í leikjunum gegn Íslandi og Portúgal.
30. ágúst 2010
Ingvar Þór Kale, markvörður Breiðabliks, hefur verið kallaður inn í landsliðshópinn fyrir leikina gegn Norðmönnum og Dönum í undankeppni EM 2012 og er hann 22. maðurinn í hópnum.  Fyrir eru markverðirnir Gunnleifur Gunnleifsson og Árni Gautur Arason. 
27. ágúst 2010
FIFA og UEFA standa nú fyrir sérstökum háttvísidögum í 14. sinn, en þeir voru fyrst haldnir árið 1997. Minnt verður á háttvísidagana hér á Íslandi í tengslum við leik A-landsliðs karla gegn Norðmönnum 3. september, sem er fyrsti leikur íslenska liðsins í undankeppni EM 2012.
