Valmynd
Valmynd
2. október 2008
Ólafur Jóhannesson, landsliðsþjálfari, tilkynnti í dag hóp sinn fyrir landsleikina gegn Hollandi og Makedóníu. Leikið verður við Holland í Rotterdam 11. október en við Makedóníu hér á Laugardalsvelli, miðvikudaginn 15. október
30. september 2008
Sigurður Ragnar Eyjólfsson, landsliðsþjálfari, tilkynnti í dag 16 manna landsliðshóp fyrir umspilsleik Íslands er fara fram í október. Í hópnum eru ekki að þessu sinni leikmenn úr Val og þeir leikmenn er leika erlendis.
29. september 2008
Kristinn R. Jónsson, landsliðsþjálfari U19 karla hefur valið æfingahóp sem mun æfa um helgina. Framundan er keppni í undankeppni EM og fer riðill Íslands fram í Makedóníu.
29. september 2008
Kristrún Lilja Daðadóttir, landsliðsþjálfari U17 kvenna, hefur tilkynnt hópinn er leikur í riðlakeppni EM á Ítalíu dagana 7. - 12. október. Andstæðingar Íslands verða, auk heimamanna, Frakkland og Aserbaídsjan.
29. september 2008
Strákarnir í U17 karla leika lokaleik sinn í undankeppni EM í dag þegar þeir mæta Norðmönnum. Leikurinn hefst kl. 16:00 á Vodafonevellinum og hefur Lúka Kostic tilkynnt byrjunarliðið fyrir leikinn.
29. september 2008
Stelpurnar í U19 kvenna leika lokaleik sinn í undankeppni EM í dag þegar þær mæta Írum í Ísrael. Stelpurnar eru snemma á ferðinni því leikurinn hefst kl. 08:00 að íslenskum tíma. Ólafur Þór Guðbjörnsson, landsliðsþjálfari, hefur tilkynnt byrjunarliðið.
29. september 2008
Stelpurnar í U19 kvenna léku síðasta leik sinn í undankeppni EM í dag þegar þær mættu Írum en riðillinn var leikinn í Ísrael. Írar reyndust sterkari í dag og sigruðu með fimm mörkum gegn einu.
29. september 2008
Strákarnir í U17 léku lokaleik sinn í undankeppni EM í dag þegar þeir gerðu markalaust jafntefli við Norðmenn á Vodafonevellinum. Noregur og Sviss komast áfram í milliriðla en Íslendingar sitja eftir.
27. september 2008
Íslenska kvennalandsliðinu tókst ekki að tryggja sér sæti í úrslitakeppni EM í dag en litlu munaði það. Frakkar höfðu betur með tveimur mörkum gegn einu. Íslenska liðsins bíða umspilsleikir og verður ljóst 6. október hvaða þjóð það verður er Íslendingar mæta.
27. september 2008
Loksins er dagurinn runninn upp, íslensku stelpurnar munu mæta Frökkum í dag kl. 14:00 í La Roche-Sur-Yon. Með jafntefli tryggir liðið sig í úrslitakeppni EM 2009 í Finnlandi. Hér að neðan má sjá myndband sem að Sigurður Ragnar sýndi stelpunum á fundi í gærkvöldi. Sjón er sögu ríkari!
26. september 2008
Strákarnir í U17 karla báru lægri hlut gegn Úkraínumönnum í dag með einu marki gegn tveimur á KR vellinum í dag. Staðan í hálfleik var jöfn 1-1. Síðasti leikur liðsins verður gegn Norðmönnum á Vodafonevellinum á mánudaginn kl. 16:00.
26. september 2008
Sigurður Ragnar Eyjólfsson, landsliðsþjálfari, hefur tilkynnt byrjunarliðið sem mætir Frökkum á morgun í undankeppni fyrir EM 2009. Íslenska liðinu dugir jafntefli til þess að tryggja sig í úrslitakeppni EM í Finnlandi 2009.
26. september 2008
Kvennalandsliðið tók sína síðustu æfingu fyrir leikinn gegn Frökkum síðdegis í dag og fór æfingin fram á keppnisvellinum, Henri Desgrange. Aðstæður eru allar hinar bestu og allir leikmenn hópsins voru með á æfingunni.
26. september 2008
Stelpurnar í U19 kvenna tryggðu sér í dag sæti í milliriðlum U19 kvenna þegar þær lögðu stöllur sínar frá Grikklandi með tveimur mörkum gegn einu. Grikkir leiddu í hálfleik 1-0.
26. september 2008
Í dag kl. 16:00 hefst á KR vellinum leikur Íslands og Úkraínu í undankeppni U17 karla en þetta er annar leikur liðsins í riðlinum. Kl. 14:00 í dag leika svo á Fjölnisvelli lið Sviss og Noregs í sömu keppni.
26. september 2008
Íslenska landsliðið skipað stúlkum undir 19 ára leikur í dag annan leik sinn í undankeppni Evrópumótsins en leikið er í Ísrael. Ólafur Þór Guðbjörnsson gert þrjár breytingar á liðinu frá því í leiknum gegn Ísrael.
25. september 2008
Eins og kunnugt er verður landsleikur Frakklands og Íslands sýndur í beinni útsendingu hjá Ríkissjónvarpinu. Upphitun verður hjá þeim í Smáralindinni sem hefst kl. 13:30 og eru allir velkomnir til þess að mæta og sjá leikinn á risatjaldi í góðri stemningu.
24. september 2008
Strákarnir í U17 karla biðu lægri hlut gegn Sviss í fyrsta leik sínum í undankeppni EM í dag en leikið var á Akranesi. Lokatölur urðu 2-1 fyrir Sviss eftir að þeir höfðu leitt með tveimur mörkum í hálfleik.
