Valmynd
Valmynd
13. ágúst 2008
Ákveðið hefur verið að A-landslið karla leiki vináttulandsleik gegn Slóvökum á Laugardalsvelli 12. ágúst 2009. Þessi leikur er hluti af samkomulagi sem gert var við Knattspyrnusamband Slóvakíu í fyrra.
13. ágúst 2008
Keld Bordinggaard, þjálfari U21 landsliðs Dana, hefur tilkynnt landsliðshóp sinn fyrir vináttuleikinn gegn Íslandi á KR-velli 20. ágúst. Nokkuð er um meiðsli á meðal fastamanna og því telur Bordinggaard hópinn vera veikari en ella.
13. ágúst 2008
Leiktími á viðureign Frakklands og Íslands í undankeppni EM kvenna hefur verið ákveðinn. Liðin mætast í lokaumferð riðilsins þann 27. september og hefur leiktíminn nú verið staðfestur kl. 14:00 að íslenskum tíma.
12. ágúst 2008
KSÍ hefur ákveðið að bjóða yngri iðkendum aðildarfélaga sinna ókeypis aðgang að vináttulandsleik Íslands og Aserbaídsjan 20. ágúst. Jafnframt er öryrkjum og ellilífeyrisþegum boðið á leikinn.
12. ágúst 2008
Miðasala er hafin á vináttulandsleik Íslands og Aserbaídsjan, sem fram fer á Laugardalsvelli miðvikudaginn 20. ágúst næstkomandi. Sem fyrr fer miðasalan fram í gegnum vefinn midi.is.
12. ágúst 2008
U21 karlalandslið Íslands og Danmerkur mætast í vináttulandsleik á KR-velli 20. ágúst, sama dag og A landsliðið leikur gegn Aserbaidsjan á Laugardalsvellinum. Luka Kostic hefur tilkynnt íslenska hópinn fyrir leikinn.
12. ágúst 2008
Ólafur Jóhannesson, þjálfari A-landsliðs karla, hefur tilkynnt landsliðshópinn fyrir vináttulandsleikinn gegn Aserbaídsjan 20. ágúst. Tveir nýliðar eru í hópnum að þessu sinni, þeir Hólmar Örn Rúnarsson og Jóhann Berg Guðmundsson.
11. ágúst 2008
Handhafar A-passa frá KSÍ fá aðgöngumiða á leikinn FH-Aston Villa afhenta miðvikudaginn 13. ágúst, frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
8. ágúst 2008
Úrtökumót KSÍ fyrir drengi fædda 1993 fer fram að Laugarvatni dagana 15. - 17. ágúst næstkomandi. Ríflega 60 leikmenn frá félögum víðs vegar af landinu hafa verið boðaðir á úrtökumótið.
6. ágúst 2008
Ísland er í 97. sæti á nýútgefnum styrkleikalista FIFA fyrir karlalandslið og hækkar um eitt sæti. Evrópumeistarar Spánverja halda efsta sætinu og Þjóðverjar fara upp fyrir Ítali í 2. sætið.
3. ágúst 2008
U17 landslið karla hafnaði í 6. sæti á Opna Norðurlandamótinu, sem fram fór í Svíþjóð og lauk á laugardag með leikjum um sæti. Okkar drengir léku gegn Skotum um 5. sætið og biðu lægri hlut.
1. ágúst 2008
Leikið verður um sæti á Opna Norðurlandamóti U17 landsliða karla á laugardag. Ísland hafnaði í 3. sæti síns riðils og mætir Skotlandi í leik um 5. sætið á mótinu. Gestgjafarnir, Svíar, leika til úrslita og mæta þar Norðmönnum.
31. júlí 2008
U17 landslið karla vann í dag góðan 3-0 sigur á Finnum í lokaumferð riðlakeppninnar á Opna Norðurlandamótinu, sem fram fer í Svíþjóð. Mörkin þrjú komu öll seint í leiknum. Leikið er um sæti á laugardag.
31. júlí 2008
U17 landslið karla leikur í dag lokaleik sinn í riðlakeppninni á Opna Norðurlandamótinu sem fram fer í Svíþjóð. Mótherjarnir eru Finnar og hefur Luka Kostic, þjálfari íslenska liðsins, tilkynnt hverjir hefja leikinn fyrir Íslands hönd.
30. júlí 2008
Úrtökumót KSÍ fyrir stúlkur fæddar árið 1993 fer fram að Laugarvatni 9.-10. ágúst. Um 40 leikmenn frá félögum víðs vegar af landinu hafa verið boðaðir.
29. júlí 2008
Önnur umferð Opna Norðurlandamóts U17 landsliða karla fór fram í dag, þriðjudag. Ísland tapaði fyrir Englandi með eins marks mun og gerðu þeir ensku eina mark leiksins.
29. júlí 2008
U17 landslið karla leikur annan leik sinn á Opna NM í dag, en leikið er í Svíþjóð. Mótherjar dagsins eru Englendingar og hefst leikurinn kl. 16:00 að íslenskum tíma. Fjórar breytingar hafa verið gerðar á byrjunarliði Íslands frá fyrsta leiknum.
29. júlí 2008
Byrjunin á fyrsta leik U17 landsliðs karla á Opna Norðurlandamótinu var ekki sú sem leikmenn liðsins höfðu óskað sér. Rautt spjald og víti á íslenska liðið og Norðmenn náðu forystunni. Lokatölur leiksins urðu 4-1 fyrir Noreg.
