Valmynd
Valmynd
17. október 2007
Íslendingar mæta i dag Rúmenum í riðlakeppni EM hjá U19 karla. Riðill Íslendinga er leikinn í Englandi og er þetta síðasti leikur þeirra í riðlinum. Íslendingar eiga möguleika á að komast áfram upp úr riðlinum.
16. október 2007
Íslenska landsliðið æfði í kvöld á Rheinpark Stadion en þar fer fram landsleikur Íslands og Liechtenstein á morgun og hefst kl. 18:00. Leikurinn verður í beinni útsendingu á sjónvarpstöðinni Sýn og hefst útsendingin kl. 17:40.
16. október 2007
Íslenska U21 karlalandsliðið gerði í dag jafntefli við Austurríki í riðlakeppni EM 2009. Leikurinn fór fram á Grindavíkurvelli og lauk 1-1 eftir að staðan hafði verið markalaus í leikhléi.
16. október 2007
Íslenska karlalandsliðið leikur gegn Liechtenstein á morgun í undankeppni EM 2008. Leikurinn er í beinni útsendingu á sjónvarpsstöðinni Sýn og hefst leikurinn kl. 18:00 en útsending hefst 17:40.
16. október 2007
Íslenska U21 karlalandsliðið leikur í dag við Austurríki og er leikurinn liður í riðlakeppni fyrir EM 2009. Leikurinn fer fram á Grindavíkurvelli og hefst kl. 15:00. Luka Kostic, landsliðsþjálfari U21 karla, hefur tilkynnt byrjunarlið sitt.
14. október 2007
Íslendingar unnu Belga í kvöld í riðlakeppni fyrir EM en riðillinn er leikinn Englandi. Lokatölur urðu 3-1 fyrir Íslendinga eftir að staðan hafði verið 2-1 í hálfleik. Íslendingar leika gegn Rúmenum á miðvikudaginn síðasta leik sinn í riðlinum.
14. október 2007
Íslenska U19 karlalandsliðið leikur annan leik sinn í undankeppni EM í kvöld þegar þeir mæta Belgum. Belgar unnu Rúmena örugglega í fyrsta leik sínum en Íslendingar töpuðu gegn heimamönnum í Englandi.
13. október 2007
Óskabyrjun Íslendinga gegn Lettum í dag dugði skammt því að Lettar sigruðu Íslendinga í undakeppni EM með fjórum mörkum gegn tveimur. Íslendingar komust yfir strax á 4. mínútu þegar að Eiður Smári Guðjohnsen skoraði eftir góða sókn.
13. október 2007
Ísland leikur gegn Lettlandi í síðasta heimaleik sínum í undankeppni EM í dag. Leikurinn hefst kl. 16:00 á Laugardalsvelli og er miðasala frá kl. 12:00 á vellinum. Eyjólfur Sverrisson, landsliðsþjálfari, hefur tilkynnt byrjunarlið sitt fyrir leikinn í dag.
12. október 2007
Íslenska U19 karlalandsliðið töpuðu fyrsta leik sínum í riðlakeppni EM. Leikið var gegn heimamönnum, Englendingum og lágu íslensku strákarnir með fimm mörkum gegn einu. Á sunnudaginn verður leikið gegn Belgum.
12. október 2007
KSÍ ákvað á þessu ári að hefja að nýju útgáfu leikskrár fyrir heimalandsleiki, en slík útgáfa hafði ekki verið í meira en áratug. Fyrir landsleikinn gegn Lettum á laugardag verður gefin út 20 blaðsíðna leikskrá með ýmsum áhugaverðum upplýsingum.
12. október 2007
Boðið verður upp á andlitsmálun fyrir landsleik Íslands og Lettlands á laugardag á Laugardalsvelli. Því er um að gera að mæta tímanlega og láta mála íslenska fánann á kinnina og ennið, jafnvel að láta mála allt andlitið til að vera sem flottastur!
12. október 2007
Íslenska U19 karlalandsliðið mætir Englendingum í dag í undankeppni EM. Kristinn R. Jónsson, landsliðsþjálfari, hefur tilkynnt byrjunarlið sitt fyrir leikinn. Í riðlinum eru einnig Rúmenía og Belgía. Leikurinn hefst kl. 18:45 að íslenskum tíma.
11. október 2007
Kristinn R. Jónsson, landsliðsþjálfari U19 karla, hefur gert eina breytingu á hóp sínum er tekur þátt í riðlakeppni U19 karla í Englandi næstu daga. Jóhann Laxdal úr Stjörnunni kemur inn í hópinn fyrir Kolbein Sigþórsson, sem er meiddur.
10. október 2007
Íslendingar taka á móti Lettum í síðasta heimaleik sínum í riðlakeppni fyrir EM 2008. Leikurinn fer fram á Laugardalsvelli, laugardaginn 13. október og hefst kl. 16:00. Miðasala á leikinn er í fullum gangi og fer fram í gegnum miðasölukerfi hjá midi.is. Miðasala er á Laugardalsvelli á leikdegi frá kl. 12:00.
9. október 2007
Lúka Kostic, landsliðsþjálfari U21 karla, hefur valið hóp sinn fyrir leik gegn Austurríki í riðlakeppni EM. Leikurinn fer fram þriðjudaginn 16. október á Grindavíkurvelli og hefst kl. 15:00.
8. október 2007
Handhafar A-passa frá KSÍ fá aðgöngumiða á leikinn Ísland - Lettland afhenta miðvikudaginn 10. október frá kl. 12:00 - 17:00. Miðarnir verða afhentir í miðasölu Laugardalsvallar.
8. október 2007
Kristinn R. Jónsson, landsliðsþjálfari U19 karla, hefur valið hóp sinn fyrir undankeppni EM. Riðill Íslendinga er leikinn í Englandi og fara leikirnir fram 12. til 17. október.
