Valmynd
Valmynd
19. september 2007
Stelpurnar í U17 landsliðinu sigruðu sinn annan leik í riðlakeppni fyrir EM en riðillinn er leikinn í Slóveníu. Voru heimastúlkur lagðar að velli að þessu sinni með fimm mörkum gegn engu og gerði Dagný Brynjarsdóttir þrennu í leiknum.
19. september 2007
Kristrún Lilja Daðadóttir, landsliðsþjálfari U17 kvenna, hefur tilkynnt byrjunarlið sitt er mætir Slóveníu í riðlakeppni EM. Riðillinn er leikinn í Slóveníu en íslenska liðið sigraði Letta í fyrsta leik sínum, 7-1. Leikurinn í dag hefst kl. 14:30.
18. september 2007
Ólafur Þór Guðbjörnsson, landsliðsþjálfari U19 kvenna, hefur valið hópinn er heldur til Portúgal og leikur þar í riðlakeppni EM U19 kvenna. Mótherjar Íslands í riðlinum eru Rúmenía, Grikkland og Portúgal.
17. september 2007
Íslenska U17 landslið kvenna leikur í dag sinn fyrsta leik í riðlakeppni fyrir EM en þetta er í fyrsta skiptið sem slík keppni er haldin í þessum aldursflokki. Leikið er gegn Lettum og hefur Kristrún Lilja Daðadóttir, landsliðsþjálfari, tilkynnt byrjunarliðið.
17. september 2007
Lúkas Kostic, landsliðsþjálfari U17 landsliðs karla, hefur valið U17 landsliðshóp Íslands sem keppir í undankeppni Evrópumótsins í Serbíu 27. september – 2. október.
17. september 2007
Stelpurnar í U17 kvenna byrjuðu riðlakeppni Evrópumótsins af miklum krafti og lögðu Letta örugglega í fyrsta leik sínum. Lokatölur urðu 7-1 eftir að staðan í hálfleik hafði verið 5-0. Berglind Björg Þorvaldsdóttir gerði fimm mörk í leiknum.
12. september 2007
Miðasala á leik Íslands og Norður Írlands í riðlakeppni fyrir EM 2008 er nú í fullum gangi. Leikurinn fer fram á Laugardalsvelli í kvöld, miðvikudaginn 12. september og hefst kl. 18:05.
12. september 2007
Íslendingar unnu í kvöld ákaflega sætan sigur á Norður Írum í riðlakeppni EM 2008. Lokatölur urðu 2-1 Íslendingum í vil eftir að staðan hafði verið 1-0 í hálfleik fyrir Ísland. Ármann Smári Björnsson skoraði mark Íslendinga í fyrri hálfleik en sigurmarkið var sjálfsmark Norður Íra.
12. september 2007
Luka Kostic, landsliðsþjálfari U17 karla, hefur valið 37 leikmenn til úrtaksæfinga um komandi helgi. Æft verður laugardag og sunnudag og fara æfingar fram í Fífunni í Kópavogi.
12. september 2007
Byrjunarlið Íslands og Norður-Írlands fyrir viðureign liðanna í undankeppni EM 2008 á Laugardalsvelli í kvöld verða tilkynnt um það bil einni klukkustund fyrir leik. Jafnframt verða þau birt hér á vefnum þegar þau berast.
11. september 2007
Íslenska karlalandsliðið U21 lék í dag við Belga í undankeppni EM 2009. Markalaust jafntefli varð niðurstaðan í leiknum og eru Íslendingar því með 2 stig eftir 3 leiki í riðlinum.
11. september 2007
Boðið verður upp á andlitsmálun fyrir landsleik Íslands og Norður-Írlands á miðvikudag. Því er um að gera að mæta tímanlega og láta mála fánann á kinnina og ennið, jafnvel að láta mála allt andlitið til að vera sem flottastur!
11. september 2007
Leikskráin fyrir leikinn gegn Norður-Írum á miðvikudag telur 20 blaðsíður og inniheldur ýmsar áhugaverðar og gagnlegar upplýsingar. Leikskráin verður seld við innganginn á leikvanginn og kostar aðeins kr. 500.
11. september 2007
Íslenska U21 karlalandsliðið leikur sinn þriðja leik í riðlakeppni fyrir EM 2009 í dag. Mótherjarnir að þessu sinni eru Belgar og hefst leikurinn kl. 17:30 og fer fram á Akranesvelli.
10. september 2007
Íslenska U19 karlalandsliðið sigraði jafnaldra sína frá Skotlandi í dag í vináttulandsleik. Leikurinn fór fram á Njarðvíkurvelli og lauk með sigri Íslands, 1-0. Gylfi Þór Sigurðsson skoraði mark Íslendinga í fyrri hálfleik.
10. september 2007
Miðasala á leik Íslands og Norður Írlands í riðlakeppni fyrir EM 2008 er nú í fullum gangi og gengur vel. Leikurinn fer fram á Laugardalsvelli, miðvikudaginn 12. september og hefst kl. 18:05.
10. september 2007
Vináttulandsleikur á milli Íslands og Skotlands hjá U19 karla, sem fram fer í dag kl. 17:30, verður leikinn á Njarðvíkurvelli. Upphaflega átti leikurinn að fara fram á Keflvíkurvelli en vegna vallaraðstæðna þar hefur leikurinn verið færður.
10. september 2007
Luka Kostic, landsliðsþjálfari U21 karla, hefur gert tvær breytingar á hóp sínum fyrir leikinn gegn Belgum. Hjálmar Þórarinsson og Stefán Kári Sveinbjörnsson koma inn í hópinn í stað Guðjóns Baldvinssonar og Rúriks Gíslasonar sem eru meiddir.
