Valmynd
Valmynd
8. október 2006
Íslenska karlalandsliðið beið lægri hlut gegn Lettum í undankeppni fyrir EM 2008. Heimamenn fögnuðu góðum sigri í Riga en lokatölur urðu 4-0, Lettum í vil. Íslenska liðið tekur á móti, efsta liði riðilsins, Svíum á miðvikudag.
6. október 2006
Eyjólfur Sverrisson, þjálfari A landsliðs karla, hefur tilkynnt byrjunarlið Íslands gegn Lettum, en liðin mætast í undankeppni EM 2008 í Riga í dag og hefst leikurinn kl. 18:00, í beinni á Sýn.
6. október 2006
Íslenska U19 karlalandsliðið vann góðan sigur á Pólverjum í dag með tveimur mörkum gegn engu. Leikurinn var fyrsti leikur liðanna i undankeppni fyrir EM og er riðillinn leikinn í Svíþjóð.
6. október 2006
Guðni Kjartansson, landsliðsþjálfari U19 karla, hefur tilkynnt byrjunarlið sig er mætir Pólverjum í dag. Leikurinn er liður í undankeppni fyrir EM og er leikið í Svíþjóð. Leikurinn hefst kl. 13:00 að íslenskum tíma.
5. október 2006
Pétur Marteinsson hefur dregið sig úr landsliðshópnum en hann á við meiðsli að stríða. Pétur mun því hvorki leika með gegn Lettum á laugardag né gegn Svíum á miðvikudag.
5. október 2006
Jurijs Andrejevs, landsliðsþjálfari Lettlands, hefur tilkynnt hóp sinn er mætir Íslendingum og Norður-Írum á næstu dögum. Flestir leikmenn hópsins leika í heimalandinu.
5. október 2006
Handhafar A-passa frá KSÍ fá aðgöngumiða á leikinn Ísland - Svíþjóð afhenta föstudaginn 6. október frá kl. 10:00 - 17:00. Miðarnir verða afhentir á skrifstofu vallarstjóra sem staðsett er í norðurenda vesturstúku.
4. október 2006
Guðni Kjartansson hefur valið U19 landslið karla sem tekur þátt í undankeppni Evrópumótsins í Svíþjóð 5. - 12. október. Liðið leikur í riðli með Pólverjum, Svíum og Færeyingum.
4. október 2006
Ólafur Þór Guðbjörnsson, landsliðsþjálfari U19 kvenna, hefur valið hóp til úrtaksæfinga um næstu helgi. Æfingarnar fara fram á Stjörnuvelli og í Egilshöllinni.
4. október 2006
Kristrún Lilja Daðadóttir, landsliðsþjálfari U17 kvenna, hefur valið úrtakshóp til æfinga um helgina. Úrtaksæfingar eru svo fyrirhugaðar á næstunni með leikmönnum af Norður- og Austurlandi.
4. október 2006
Jörundur Áki Sveinsson, landsliðsþjálfari, hefur valið hópinn er heldur til Bandaríkjanna og leikur þar vináttulandsleik gegn heimamönnum. Leikurinn fer fram í Richmond Stadium í Virginíufylki, 8. október kl. 14:05 að staðartíma.
2. október 2006
Í dag koma fulltrúar UEFA til að skoða vallaraðstæður fyrir úrslitakeppni EM U19 kvenna sem fram fer hér á landi í júlí 2007. Þetta er önnur vettvangsheimsókn UEFA.
30. september 2006
Íslenska U17 karlalandsliðið tryggð sér áframhaldandi þátttökurétt í undankeppni fyrir Evrópumót landsliða U17. Strákarnir sigruðu Litháa í dag með fjórum mörkum gegn einu.
29. september 2006
Eyjólfur Sverrisson, þjálfari A landsliðs karla, hefur tilkynnt 20 manna hóp fyrir næstu leiki í undankeppni EM 2008. Leikið er í Lettlandi laugardaginn 7. október og á Laugardalsvelli gegn Svíum miðvikudaginn 11. október.
28. september 2006
Guðlaug Jónsdóttir tilkynnti eftir leikinn gegn Portúgal í dag að hún hefði leikið sinn síðasta landsleik. Guðlaug á að baki langan og farsælan feril með landsliðinu og var leikurinn í dag 54. landsleikur hennar.
28. september 2006
Íslenska landsliðið lék lokaleik sinn í undankeppni fyrir HM 2007 í dag þegar þær mættu Portúgal í Lissabon. Íslensku stelpurnar léku við hvern sinn fingur og sigruðu með sex mörkum gegn engu. Margrét Lára Viðarsdóttir skoraði fjögur mörk í sínum 25. landsleik.
28. september 2006
Íslenska kvennalandsliðið verður í eldlínunni í dag þegar þær leika lokaleik sinn í undankeppni fyrir HM 2007. Leika þær við Portúgal og hefst leikurinn kl. 16:00 að íslenskum tíma.
27. september 2006
Íslenska U17 karlalandsliðið beið lægri hlut gegn Frökkum í dag með þremur mörkum gegn einu. Kristinn Steindórsson skoraði mark Íslands á 71. mínútu en þá höfðu Frakkar skorað þrjú mörk. Strákarnir leika við Litháa á laugardaginn.
