Valmynd
Valmynd
27. ágúst 2006
Miðasala á leik Íslands og Danmerkur, er fram fer miðvikudaginn 6. september kl. 18:05 á Laugardalsvelli, gengur mjög vel. Örfáir miðar eru eftir á leikinn og eru allra síðustu forvöð til þess að tryggja sér miða.
26. ágúst 2006
Íslenska kvennalandsliðið tapaði fyrir því sænska á Laugardalsvelli í dag. Lokatölur urðu 0-4 eftir að staðan var 0-1 í hálfleik. Íslenska liðið barðist vel í leiknum en sænska liðið reyndist of sterkt.
25. ágúst 2006
Eyjólfur Sverrisson, landsliðsþjálfari, hefur valið landsliðshópinn er mætir Norður-Írum og Dönum. Leikurinn við Norður-Íra er leikinn í Belfast 2. september en leikurinn við Dani er á Laugardalsvelli, miðvikudaginn 6. september.
25. ágúst 2006
Guðni Kjartansson, landsliðsþjálfari U18 karla, hefur tilkynnt byrjunarlið sitt er mætir Pólverjum í dag. Leikurinn er liður í alþjóðlegu móti er fram fer í Tékklandi. Liðið hefur gert jafntefli við Belga og tapað gegn Slóvakíu.
25. ágúst 2006
Ísland og Svíþjóð mætast á Laugardalsvelli 26. ágúst kl. 14:00 og er leikurinn í riðlakeppni HM. Þessi leikur er síðasti heimaleikur íslenska liðsins í keppninni og eru knattspyrnuáhugamenn hvattir til þess að koma á völllinn og hvetja stelpurnar. Aðgangur á leikinn er ókeypis.
25. ágúst 2006
Dómari leiks Íslands og Svíþjóðar á laugardaginn er einn þekktasti dómari Evrópu, Nicole Petignat frá Sviss. Hún dæmdi m.a. úrslitaleik Heimsmeistarakeppni kvenna árið 1999 þegar að Kína og Bandaríkin mættust í Los Angeles.
25. ágúst 2006
Aganefnd UEFA hefur úrskurðað Jörund Áka Sveinsson, landsliðsþjálfara kvennalandsliðsins, í tveggja leikja bann vegna brottvísunar hans í leik Íslendinga og Tékka þann 19. ágúst síðastliðinn.
25. ágúst 2006
Jörundur Áki Sveinsson, landsliðsþjálfari, hefur tilkynnt byrjunarliðið er mætir Svíum. Leikurinn hefst kl. 14:00, laugardaginn 26. ágúst og fer fram á Laugardalsvelli. Aðgangur á leikinn er ókeypis.
24. ágúst 2006
Lúka Kostic, þjálfari U21 landsliðs karla, hefur valið hópinn sem mætir Ítölum í riðlakeppni Evrópumóts U21 landsliða 2006/2007. Leikurinn er leikinn á Laugardalsvelli, föstudaginn 1. september kl. 19:00.
23. ágúst 2006
Íslenska U18 karlalandsliðið tapaði gegn Slóvakíu í dag en leikurinn var liður í alþjóðlegu móti er fram fer í Tékklandi. Lauk leiknum 1-3 en Íslendingar komust yfir snemma leiks.
23. ágúst 2006
Íslenska kvennalandsliðið leikur gegn Svíum á Laugardalsvelli, laugardaginn 26. ágúst kl. 14:00. Leikurinn er síðasti heimaleikur liðsins í riðlakeppni fyrir HM 2007. Svíar eru efstir í riðlinum og hafa aðeins tapað stigi gegn Íslendingum.
23. ágúst 2006
Íslenska U18 karlalandsliðið gerði í gær jafntefli við Belga á alþjóðlegu móti er fram fer í Tékklandi. Lauk leiknum með því að hvort lið skoraði eitt mark. Liðið leikur í dag gegn Slóvakíu og hefst leikurinn kl. 15:00 að íslenskum tíma.
22. ágúst 2006
Miðasala á landsleik Íslands og Danmerkur, hefst kl. 12:00 í dag, þriðjudag. Leikurinn fer fram miðvikudaginn 6. september kl. 18:05. Hægt er að kaupa miða á netinu og verslunum Skífunnar og BT-tölva.
22. ágúst 2006
Miðasala á landsleik Íslands og Danmerkur í Evrópukeppni landsliða er hafin á ksi.is og midi.is. Sala aðgöngumiða á landsleiki fer nú fram í nýju miðasölukerfi fyrir Laugardalsvöll frá midi.is. Kaupendum gefst kostur á að velja sér það sæti sem viðkomandi vilja sitja í.
22. ágúst 2006
Verið er að vinna í uppsetningu á miðasölukerfi vegna leiks Íslands og Danmerkur. Vegna þess mun opnun á miðasölu seinka en opnað verður síðar í dag. Fylgist með hér á síðunni um opnun miðasölunnar.
22. ágúst 2006
Svíar hafa tilkynnt leikmannahóp sinn er mætir Íslendingum á Laugardalsvelli laugardaginn 26. ágúst kl. 14:00. Lið Svía er geysisterkt og mjög leikreynt en sex leikmenn hafa leikið yfir 100 landsleiki.
22. ágúst 2006
Íslenska U18 karlalandsliðið er statt í Tékklandi þar sem það tekur þátt í alþjóðlegu móti. Ísland leikur í riðli með Belgíu, Slóvakíu og Póllandi á mótinu. Fyrsti leikur liðsins í mótinu er í dag kl. 15:00 þegar liðið leikur við Belga.
21. ágúst 2006
Íslenska kvennalandsliðið leikur vináttulandsleik við Bandaríkin 8. október næstkomandi. Leikið verður á velli háskólans í Richmond í Virginíu. Leikurinn verður í beinni útsendingu á sjónvarpsstöðinni ESPN2 í Bandaríkjunum.
