Landsliðsþjálfararnir, Heimir Hallgrímsson og Lars Lagerbäck, hafa tilkynnt byrjunarliðið sem mætir Kanada í vináttulandsleik í kvöld.  Þetta er fyrri leikur þjóðanna en báðir fara þeir fram í Orlando.  Leikurinn hefst kl. 21:30 að íslenskum tíma og verður í beinni útsendingu á Skjá Sport.

Byrjunarliðið er þannig skipað:

• Markvörður: Hannes Þór Halldórsson
• Hægri bakvörður: Theodór Elmar Bjarnason
• Vinstri bakvörður: Hjörtur Logi Valgarðsson
• Miðverðir: Sölvi Geir Ottesen, fyrirliði og Sverrir Ingi Ingason
• Hægri kantur: Rúrik Gíslason
• Vinstri kantur: Kristinn Steindórsson
• Tengiliðir: Guðlaugur Victor Pálsson og Rúnar Már Sigurjónsson
• Framherjar: Matthías Vilhjálmsson og Jón Daði Böðvarsson

Eins og venjan er í vináttulandsleikjum þá eru leyfðar sex innáskiptingar hjá hvoru liði.