A landslið kvenna hefur hafið undirbúning sinn fyrir leikina gegn Úkraínu og Spáni.

Liðið er komið saman í Kraká í Póllandi, en Ísland mætir Úkraínu í Mielec hér í Póllandi á föstudag og hefst leikurinn kl. 16:00 að íslenskum tíma. Ísland mætir svo Spáni þriðjudaginn 9. júní á Laugardalsvelli og hefst sá leikur kl. 19:00.

Báðir leikirnir verða í beinni útsendingu á RÚV.

Íslenska liðið er í þriðja sæti riðilsins eftir fjóra leiki með þrjú stig. Spánn er í öðru sæti riðilsins með níu stig og Úkraína er í neðsta sæti án stiga.

Mótið á vef KSÍ

Miðasala á leikinn gegn Spáni er í fullum gangi á miðasöluvef KSÍ. Líkt og fyrir leikina í apríl er boðið upp á þann möguleika að velja sitt félag og fær þá félagið 20% af miðaverðinu beint til sín.

Miðasala

Það lið sem endar í efsta sæti riðilsins fer beint í lokakeppni HM 2027, sem verður haldin í Brasilíu, á meðan hin þrjú liðin fara í umspil. Dregið verður í umspilið 18. júní.