A landslið karla mætir heimsmeisturum Argentínu í Auburn, Alabama aðfaranótt miðvikudags kl. 01:00 að íslenskum tíma (að staðartíma er það þriðjudagskvöld kl. 20:00).  Leikurinn verður í beinni útsendingu og opinni dagskrá á Sýn Sport.

Íslenska liðið æfði á keppnisvellinum, háskólavelli Auburn University, á mánudag.  Allir leikmenn í hópnum tóku fullan þátt í æfingunni.  Þetta verður síðasti leikur Argentínu fyrir HM.