A landslið karla mætir Japan í vináttuleik á sunnudag á þjóðarleikvangi Japana MUFG Stadium í Tókýó.

Leikurinn hefst klukkan 19:25 að staðartíma sem er klukkan 10:25 að íslenskum tíma og verður hann í beinni útsendingu á Sýn Sport. Dómarar leiksins koma frá Póllandi.

Uppselt er á völlinn sem tekur um 67.700 manns í sæti. Búist er við um 150 Íslendingum í stúkuna.

Er þetta lokaleikur Japana áður en þeir fara á HM. Leikurinn er auglýstur sem Kirin Challenge Cup 2026 í Japan og mun sigurlið leiksins lyfta bikar að leik loknum.