Eyjólfur Sverrisson, þjálfari A-landsliðs karla, hefur tilkynnt byrjunarlið Íslands fyrir kvöldið, en Íslendingar mæta Spánverjum á Laugardalsvellinum kl. 20:00 í undankeppni EM 2008.

Þrjár breytingar eru á byrjunarliðinu frá vináttulandsleiknum gegn Kanada í ágúst, Árni Gautur Arason kemur aftur í markið fyrir Daða Lárusson, Arnar Þór Viðarsson kemur inn fyrir Brynjar Björn Gunnarsson sem er meiddur, og Kristján Örn Sigurðsson kemur inn fyrir Baldur Aðalsteinsson, en Grétar Rafn Steinsson færist þá framar á verður á hægri kanti.

Byrjunarliðið í kvöld er þannig skipað (4-5-1):

• Markvörður - Árni Gautur Arason
• Hægri bakvörður - Kristján Örn Sigurðsson
• Vinstri bakvörður - Hermann Hreiðarsson (fyrirliði)
• Miðverðir - Ragnar Sigurðsson og Ívar Ingimarsson
• Hægri kantur - Grétar Rafn Steinsson
• Vinstri kantur - Emil Hallfreðsson
• Varnartengiliður - Kári Árnason
• Tengiliðir - Jóhannes Karl Guðjónsson og Arnar Þór Viðarsson
• Framherji - Gunnar Heiðar Þorvaldsson