Dregið verður í lokakeppni EM A landsliða kvenna 2022 fimmtudaginn 28. október í Manchester á Englandi, en lokakeppnin fer fram þar í landi í júlí næsta sumar. Drátturinn verður í beinu streymi á vef UEFA og einnig á vef RÚV og hefst kl. 16:00 að íslenskum tíma.

Allt um dráttinn á vef UEFA

Opnunarleikur keppninnar fer fram á Old Trafford 6. júlí og úrslitaleikurinn á Wembley 31. júlí. Leikið verður í átta borgum víðsvegar um England og má sjá hér að neðan hvar riðlarnir eru leiknir.

• A riðill - Southampton og Brighton (opnunarleikurinn á Old Trafford í Manchester)
• B riðill - Milton Keynes og London
• C riðill - Sheffield og Wigan & Leigh
• D riðill - Rotherham og Manchester

Ísland verður í fjórða styrkleikaflokki í drættinum, en árangur liða í síðustu þremur undankeppnum og lokakeppnum ræður röðun liða í styrkleikaflokka.

Styrkleikaflokkarnir

Flokkur eitt

• England (fer sjálfkrafa í A riðil)
• Holland
• Þýskaland
• Frakkland

Flokkur tvö

• Svíþjóð
• Spánn
• Noregur
• Ítalía

Flokkur þrjú

• Danmörk
• Belgía
• Sviss
• Austurríki

Flokkur fjögur

• Ísland
• Rússland
• Finnland
• Norður-Írland