Ísland vann frábæran 5-0 sigur á Króatíu er liðin mættust í seinni leik sínum í fyrri umferð umspilsins fyrri HM 2027. Ísland hafði áður unnið 4-0 sigur ytra og því samanlagður 9-0 sigur staðreynd.

Líkt og í Pula á föstudag þá stjórnaði Ísland leiknum allan tímann. Hlín Eiríksdóttir skoraði fyrsta mark leiksins á 35. mínútu og Ída Marín Hermannsdóttir bætti öðru marki Íslands við fyrir lok fyrri hálfleiks og staðan 2-0 í hálfleik.

Katla Tryggvadóttir skoraði fljótlega í seinni hálfleik áður en Diljá Ýr Zomers bætti við tveimur mörkum í loks leiks og flottur 5-0 sigur staðreynd.

Ísland mætir því Portúgal í úrslitaeinvígi um sæti í lokakeppni HM 2027 sem fer fram í Brasilíu. Fyrri leikur liðanna verður leikinn í Portúgal og mætast svo liðin í seinni leiknum á Laugardalsvelli 5. desember.