U17 kvenna vann frábæran 5-0 sigur á Serbíu í síðasta leik sínum í seinni umferð undankeppni EM 2026. Með sigrinum tryggði Ísland sér áframhaldandi sæti í A deild undankeppninnar fyrir fyrstu umferð undankeppni EM 2027.

Fanney Lísa Jóhannesdóttir skoraði tvö mörk og þær Arna Ísold Stefánsdóttir, Kara Guðmundsdóttir og Elísa Birta Káradóttir skoruðu sitt markið hver.

Frakkland vann 3-1 sigur á Austurríki á sama tíma og tryggði sér með því sæti í lokakeppni EM 2026.