Verslun
Leit
Processed B8E860AD 6DBD 40B7 817B 08972A8A5C4A
Landslið
A karla
Þjóðadeildin
Þjóðadeild

Ísland vann góðan 3-0 sigur á Lúxemborg í síðasta leik liðsins í Þjóðadeildinni.

Með sigrinum tryggði liðið sér sigur í sínum riðli í C deild og því er ljóst að Ísland leikur í B deild í næstu Þjóðadeild.

Ísland var mun betri aðilinn allan leikinn og áttu gestirnir erfitt með að halda boltanum innan sinna raða í langan tíma.

Brynjólfur Andersen Willumsson skoraði fyrsta mark leiksins með skalla þegar hann fylgdi eftir bylmingsskoti Orra Steins Óskarssonar sem endaði í slánni. Ísland bætti við marki tólf mínútum síðar eftir að bolti hafði lent í hendi varnarmanns Lúxemborgar. Andri Lucas Guðjohnsen steig á punktinn og skoraði af öryggi. Íslenska liðið fór því með örugga tveggja marka forystu inn í hálfleikinn.

Mikael Egill Ellertsson skoraði svo þriðja mark Íslands eftir um fimm mínútna leik í seinni hálfleik og því ljóst að allt stefndi í góðan sigur íslenska liðsins.

Hvorugt lið skoraði fleiri mörk í leiknum og öruggur sigur því staðreynd.

Aron Einar Gunnarsson lék sinn síðasta landsleik fyrir Ísland og jafnaði með því landsleikjamet Birkis Bjarnasonar. Honum var svo fagnað innilega af leikmönnum og stuðningsmönnum í lok leiks. Takk fyrir allt Aron!