KSÍ og Halldór Jón Sigurðsson hafa komist að samkomulagi um að Halldór Jón láti af störfum sem þjálfari U19 landsliðs kvenna. 

Halldór Jón, eða Donni eins og hann er jafnan kallaður, er búsettur á Sauðárkróki og eftir yfirferð á stöðu mála hafa aðilar komist að þeirri sameiginlegu niðurstöðu að erfitt sé til lengri tíma að samræma umfang starfsins þeim ferðalögum og þeim kröfum sem fylgja starfinu.

Donni hóf störf hjá KSÍ árið 2025 og hefur á þeim tíma komið að þjálfun og þróun leikmanna innan yngri landsliða kvenna.  Á meðal helstu verkefna hans má nefna þátttöku U19 kvenna í lokakeppni EM sem fram fór fyrr í sumar.

KSÍ þakkar Halldóri Jóni fyrir störf hans og óskar honum velfarnaðar í þeim verkefnum sem framundan eru.