Næstkomandi sunnudag verður dregið í undankeppni HM 2010 í Suður Afríku og fer drátturinn fram í Durban.  Ísland er í 5. styrkleikaflokki en níu þjóðir eru í hverjum styrkleikaflokki nema þeim síðasta sem skipaður er 8 þjóðum.

Drátturinn hefst kl. 15:00 að íslenskum tíma en klukkutíma síðar má búast við að dregið verði í riðla Evrópuþjóðanna.  Þjóðirnar 53 eru dregnar í níu riðla og tryggir sigurvegari hvers riðils sér þátttökurétt á HM í Suður Afríku.  Þær 8 þjóðir með bestan árangur í öðru sæti riðlanna 9 fara síðan í umspil.  Þar er leikið heima og heiman og sigurþjóðirnar fjórar tryggja sér sæti á HM.

Styrkleikaflokkarnir eru sex og eru, eins og áður sagði, níu þjóðir í hverjum flokki nema þeim sjötta sem skipaður er átta þjóðum.  Byrjað er að draga úr neðsta styrkleikaflokki og er þeim þjóðum er hann skipað raðað í riðla 1 til 8.  Því næst er dregið úr 5. styrkleikaflokki og fara þær þjóðir í riðla 1 til 9 og þannig koll af kolli.  Sex þjóðir munu skipa riðla 1 til 8 en fimm þjóðir riðil 9 en engin þjóð úr neðsta styrkleikaflokki verður í riðli 9.

Styrkleikaflokkarnir eru eftirfarandi:

Styrkleikaflokkur 1

Ítalía

Spánn

Þýskaland

Tékkland

Frakkland

Portúgal

Holland

Króatía

Grikkland

 

Styrkleikaflokkur 2

England

Rúmenía

Skotland

Tyrkland

Búlgaría

Rússland

Pólland

Svíþjóð

Ísrael

 

Styrkleikaflokkur 3

Noregur

Úkraína

Serbía

Danmörk

Norður Írland

Írland

Finnland

Sviss

Belgía

 

Styrkleikaflokkur 4

Slóvakía

Bosnía

Ungverjaland

Moldavía

Wales

Makedónía

Hvíta Rússland

Litháen

Kýpur

 

Styrkleikaflokkur 5

Georgía

Albanía

Slóvenía

Lettland

Ísland

Armenía

Austurríki

Kazakhstan

Azerbaijan

 

Styrkleikaflokkur 6

Liechtenstein

Eistland

Malta

Luxemburg

Svartfjallaland

Andorra

Færeyjar

San Marínó