Ísland er í riðli með Búlgaríu, Eistlandi og Lúxemborg eða Möltu í Þjóðadeildinni.

Leikirnir fara fram í haust, í september, október og nóvember.

Frekar upplýsingar um skipulag Þjóðadeildarinnar má finna á vef UEFA.

Vefur UEFA

Arnar Gunnlaugsson, landsliðsþjálfari A karla, var viðstaddur dráttinn og hafði þetta að segja um hann:

,,Mér líst bara vel á þetta og hlakka til að takast á við verkefnið. Það voru ýmsar mögulegar útkomur og auðvitað áhugavert að velta því upp hvaða lið við hefðum getað fengið. En þegar allt kemur til alls þá snýst þetta bara um okkar lið og það sem við ætlum að gera í þessari keppni. Við ætlum okkur aftur upp í B-deild, það er ekkert flóknara en það, og það hefði engu breytt hvaða lið við hefðum fengið, markmiðið hefði alltaf verið það sama. Það er að koma fín mynd á prógrammið hjá okkur núna í vor, mars gluggann og svo júní, og við verðum klárir í Þjóðadeildarverkefnið í haust. Núna þarf KSÍ bara að fara að stilla upp miðasölu á þessa leiki og setja í gang, við þurfum að fá sem flesta á völlinn til að styðja við strákana."