KSÍ getur nú staðfest að A landslið karla mætir Argentínu í vináttuleik á Jordan-Hare Stadium í Auburn, Alabama í Bandaríkjunum þriðjudaginn 9. júní.

Leikurinn verður síðasti leikur Argentínu í undirbúningi sínum fyrir HM 2026 þar sem liðið á titil að verja, en Argentína er þar í riðli með Alsír, Jórdaníu og Austurríki. 

Þetta er aðeins í annað sinn sem A karla mætir Argentínu, en fyrsti leikur liðanna fór fram í lokakeppni HM 2018. Þar skildu liðin jöfn, 1-1, og var það Alfreð Finnbogason sem skoraði mark Íslands í leiknum.

Áður en Ísland ferðast til Bandaríkjanna mætir liðið Japan á þjóðarleikvanginum í Tokýó í Japan 31. maí.