A landslið karla mætir Búlgaríu á laugardag í þriðja leik sínum í Þjóðadeildinni.

Leikurinn fer fram á Laugardalsvelli og hefst hann kl. 16:00.

Miðasala er í fullum gangi á miðasöluvef KSÍ og má finna hlekk á hana hér að neðan.

Miðasala

Ísland er í efsta sæti riðilsins með fjögur stig eftir tvo leiki á meðan Búlgaría er með eitt stig.

A karla hefur aldrei unnið Búlgaríu, en liðin hafa mæst fimm sinnum. Einn leikur endaði með jafntefli og fjórir með sigri Búlgara. Liðin mættust síðast 7. september 2005 í undankeppni HM 2006. Sá leikur endaði með 3-2 sigri Búlgara þar sem Grétar Rafn Steinsson og Hermann Hreiðarsson skoruðu mörk Íslands.