Ísland mætir Búlgaríu á föstudag í næst síðasta leik liðsins í Þjóðadeild karla.

Leikurinn fer fram á Hristo Botev vellinum í Plovdiv og hefst hann kl. 19:45 að íslenskum tíma.

Bein útsending, í opinni dagskrá, verður frá leiknum á Sýn Sport.

Ísland er efst í riðlinum með 8 stig þegar tveir leikir eru eftir og þar á eftir kemur Eistland með 6 stig.  Búlgaría er með 4 stig og Lúxemborg rekur lestina með þrjú stig.

Það er því ljóst að með hagstæðum úrslitum gæti Ísland tryggt sér efsta sætið á föstudagskvöld.