A landslið kvenna mætir Króatíu á föstudag í fyrri leik liðanna í fyrri umferð umspilsins fyrir HM 2027.

Leikurinn á föstudag fer fram á Stadion Aldo Drosina í Pula, Króatíu, og hefst hann kl. 16:45 að íslenskum tíma. Bein útsending verður frá leiknum á RÚV.

Íslenska liðið er komið saman í Rovinj í Króatíu og æfði í fyrsta sinn í dag, þriðjudag. 

Liðin mætast svo aftur þriðjudaginn 13. október á Laugardalsvelli og hefst sá leikur kl. 17:30. Miðasala á þann leik er í fullum gangi á miðasöluvef KSÍ.

Miðasala

Takist Íslandi að slá út Króatíu þá mætir liðið annað hvort Portúgal eða Norður Írlandi í seinni umferð umspilsins þar sem leikið verður um sæti í lokakeppni HM 2027. Lokamótið fer fram í Brasilíu dagana 24. júní - 25. júlí.