Ísland mætir Lúxemborg á mánudag í síðasta leik liðsins í Þjóðadeild karla.
Leikurinn hefst kl. 17:00 og fer hann fram á Laugardalsvelli. Miðasala á leikinn er að sjálfsögðu í fullum gangi á miðasöluvef KSÍ.
Ísland er í efsta sæti riðilsins með 11 stig og tryggir sér sigur í honum, og þar með sæti í B deild í næstu keppni, með sigri á Lúxemborg. Mótherjar morgundagsins eru í neðsta sæti riðilsins með tvö stig.
Þrír leikmenn komu inn í hópinn eftir leikinn gegn Búlgaríu. Sævar Atli Magnússon, Hjörtur Hermannsson og Brynjar Ingi Bjarnason komu inn fyrir þá Kristal Mána Ingason, Hörð Björgvin Magnússon og Stefán Teit Þórðarson.