A landslið karla mætir Lúxemborg á þriðjudag í öðrum leik liðsins í Þjóðadeildinni.

Leikurinn á þriðjudag fer fram á Stade de Luxembourg og hefst hann kl. 18:45 að íslenskum tíma. Bein útsending, í opinni dagskrá, verður frá leiknum á Sýn Sport.

Ísland gerði 1-1 jafntefli við Eistlandi í fyrsta leik sínum í keppninni á meðan Lúxemborg vann góðan 2-1 útisigur gegn Búlgaríu.

Ísland og Lúxemborg hafa mæst níu sinnum. Fjórir leikir hafa endað með sigri Íslands, fjórir með jafntefli og Lúxemborg hefur unnið einn leik. Síðasti sigur Íslands gegn Lúxemborg kom árið 1999 þegar Ísland vann 2-1 sigur ytra með mörkum frá núverandi þjálfara liðsins, Arnari Gunnlaugssyni, og Helga Sigurðssyni. Liðin mættust síðast í undankeppni EM 2024. Eini sigur Lúxemborgar gegn Íslandi kom í þeirri undankeppni, en leikurinn í Lúxemborg endaði með 3-1 sigri heimamanna. Leikurinn á Laugardalsvelli endaði með 1-1 jafntefli.