U19 landslið kvenna mætir Sviss í lokaleik sínum á EM á laugardag. Leikurinn hefst klukkan 15:00 og verður hann í beinni útsendingu á vef UEFA.

Ljóst er að Ísland kemst ekki upp úr riðlinum eftir tap gegn Austurríki og Spáni. Sviss á enn möguleika á að komast upp úr riðlinum. Svo að það gerist þarf Spánn að tapa gegn Austurríki og Sviss þarf að vinna Ísland stórt. Markatala Spánar er mun betri en markatala Sviss og mun hún ráða úrslitum ef það fer svo að Sviss vinnur sigur gegn Íslandi og Spánn tapar sínum leik.

Bein útsending frá leiknum.