Ísland tekur á móti Evrópumeisturum Englands í undankeppni HM 2027 á laugardag klukkan 16:30.

Fyrri leik liðanna í keppninni lauk með 2-0 sigri Englands. 

Bæði lið munu fagna stórum áföngum á Laugardalsvelli. Glódís Perla Viggósdóttir fyrirliði íslenska liðsins mun að öllum líkindum slá landsleikjamet Söru Bjarkar Gunnarsdóttur þegar hún spilar sinn 146. A-landsleik.

Enska liðið fagnar þeim tímamótum á Laugardalsvelli að spila sinn 500. A-landsleik. 

Það verður því mikið um dýrðir á Laugardalsvelli þegar Ísland tekur á móti Englandi.

Miðasala er í fullum gangi á miðasöluvef KSÍ.