Það verða dómarar frá Rúmeníu sem verða við stjórnvölinn á leik Íslands og Ungverjalands í undankeppni EM.  Leikurinn fer fram á Laugardalsvelli, laugardaginn 16. júní og hefst kl. 16:00. 

Dómarinn heitir Cristina Dorcioman og er reynslumikill dómar, dæmdi t.d. leik Íslands og Noregs í úrslitakeppni EM í Finnlandi árið 2009.  Henni til aðstoðar verða löndur hennar, Monica Rigo og Gabriela Dananae.  Fjórði dómarinn er hinsvegar íslenskur, Birna H. Bergstað Þórmundsdóttir.