U21 landslið karla gerði 1-1 jafntefli gegn Frakklandi í undankeppni EM 2027 á Pepsí-vellinum í dag. 

Frakkar komust yfir á 31. mínútu. Á 52. mínútu skoraði Daníel Tristan Guðjohnsen glæsilegt mark beint úr aukaspyrnu og jafnaði þar með metin. Fleiri urðu mörkin ekki og 1-1 jafntefli því lokaniðurstaðan.

Eftir leikinn er Frakkland á toppi riðilsins með 17 stig og Ísland í þriðja sæti með 12 stig. 

Ísland tekur á móti Sviss á þriðjudaginn klukkan 15:00 á Pepsí-vellinum. Sviss er í 2. sæti með 14 stig.

Frítt verður á leikinn í boði bakhjarla KSÍ.

Bakhjarlar KSÍ eru N1, Icelandair, Landsbankinn, Ölgerðin, Íslandshótel, Lengjan, Eimskip og Puma.