U21 karla gerði 1-1 jafntefli við Grikkland í fyrri leik liðanna í umspili fyrir EM 2027.

Leikurinn fór fram í mikilli snjókomu á PEPSI vellinum í Laugardal og var ljóst að aðstæður voru erfiðar.

Besta færi fyrri hálfleiks kom þegar Galdur Guðmundsson átti skot í slá, en Ísland var ívið sterkari aðilinn. Staðan markalaus í hálfleik.

Áfram hélt snjókoman í seinni hálfleik og hann var svipaður og sá fyrri. Daníel Tristan Guðjohnsen brenndi af á vítapunktinum og íslenska liðið fékk nokkur færi til að koma boltanum í netið.

Það var svo Hilmir Rafn Mikaelsson sem kom Íslandi yfir á 89. mínútu, en stuttu síðar jöfnuðu Grikkir. Lokaniðurstaðan 1-1.

Liðin mætast aftur í Grikklandi á mánudag og hefst sá leikur kl. 17:00.