Fyrir landsleik Íslands og Hollands á Laugardalsvelli í dag mun lúðrasveitin Svanur marsera á hlaupabrautinni og leika ýmis lög.  Jafnframt mun Svanur leika þjóðsöngva liðanna fyrir leik.

Það er orðið ansi langt síðan lúðrasveit lék fyrir landsleik á Laugardalsvelli og því er um að gera að skella sér snemma á völlinn og hita vel upp fyrir leikinn.  Völlurinn opnar kl. 17:30 og Svanur byrjar að leika kl. 18:00. 

Mætið snemma, fáið ykkur gott að borða á vellinum og njótið skemmtunarinnar.  Ekki gleyma að mæta í bláum fötum!