Á leik A landsliðs kvenna gegn Austurríki, sem fram fer á Laugardalsvelli þann 4. júní klukkan 19:30, geta öll börn sem vilja sóst eftir því að vera lukkukrakkar. Hlutverk lukkukrakka er að leiða leikmenn beggja liða inn á völlinn og standa með þeim á meðan þjóðsöngvar eru spilaðir.

Lukkukrakkar munu klæðast keppnisbúningi (treyju, stuttbuxum og sokkum) sem hægt verður að kaupa á kostnaðarverði (19.900 krónur).

Kaupa þarf miða fyrir foreldri/forráðamann lukkukrakka á leikinn. Miðaverð í því svæði sem úthlutað er fyrir lukkukrakka er 3.450 krónur fyrir fullorðna og 1.725 krónur fyrir börn (16 ára og yngri).

Annað sem þarf að hafa í huga við skráningu lukkukrakka:

• Mikilvægt er að börnin séu komin 45 mínútum fyrir áætlaðan leiktíma fyrir framan S-inngang á Laugardalsvelli
• Lukkukrakki má ekki vera hærri en 140cm og miðað er við börn á aldrinum 6-10 ára
• E-miði (fyrir lukkukrakka og fylgdarmann) verður sendur á netfang sem gefið er upp í skráningarforminu.
• Lukkukrakkar eiga að vera í strigaskóm þegar þau ganga inn á völlinn - alls ekki í takkaskóm
• Foreldri/forráðamaður sem fylgir lukkukrakka aðstoðar við að klæða í búning
• Foreldri/forráðamaður fer upp í stúku þar sem hægt er að horfa á inngönguna fyrir leikinn
• Lukkukrökkum er fylgt upp í stúku eftir athöfnina

Opið verður fyrir skráningar út fimmtudaginn 23. maí, í framhaldinu verða lukkukrakkar dregnir út og haft samband við forráðamenn.

Smellið hér til að skrá lukkukrakka á Ísland - Austurríki

Mynd: Hulda Margrét