Eftir langt ferðalag er leikmannahópur A landsliðs karla kominn til Queretaro í Mexíkó þar sem íslenska liðið mætir Mexíkóum í vináttuleik í komandi viku.  Leikurinn er sem kunnugt er utan hefðbundins landsleikjaglugga og því er hópurinn að mestu skipaður leikmönnum sem eru á mála hjá íslenskum félagsliðum.

Ísland og Mexíkó hafa fimm sinnum áður mæst í A landsliðum karla - í öllum tilfellum vináttuleikir á erlendri grundu. Fyrstu tveimur viðureignunum lauk báðum með markalausu jafntefli og næstu þremur með mexíkóskum sigri. Liðin mættust síðast í lok maí 2021 í Arlington, Texas þar sem Mexíkó vann 2-1 sigur.

Leikurinn, sem fer fram á Corregidora Stadium í Queretaro, hefst kl. 20:00 að staðartíma miðvikudaginn 25. febrúar, sem er kl. 02:00 aðfaranótt fimmtudagsins heima á Íslandi.  Leikurinn verður í beinni útsendingu og opinni dagskrá á Sýn.

Leikmannahópur Mexíkó

Leikmannahópur Íslands