Áhorfendur á leik Íslands og Spánar eru hvattir til að mæta vel tímanlega á leikinn á laugardag til að forðast biðraðir og til að hita upp fyrir leikinn. 

• Veitingasalan verður opin, þannig að upplagt er að fá sér snarl á vellinum
• Boðið verður upp á andlitsmálningu
• Áfram Ísland klúbburinn verður á staðnum með ýmsan skemmtilegan varning
• Dreift verður bláum bolum með textanum að þjóðsöngnum prentuðum á
• Laugardalsvöllurinn verður vígður með formlegri athöfn úti á velli
• Jóhann Friðgeirsson mun syngja þjóðsönginn
• Og fleira og fleira.

Í hálfleik mun síðan Ingó Idol halda uppi stuðinu og þá er um að gera að syngja með, enda er Ingó fótboltakappi sem veit um hvað þetta snýst allt saman.