A landslið karla gerði markalaust jafntefli við Eistland er liðin mættust í Tallin í Þjóðadeildinni.

Leikurinn var frekar tíðindalítill og bæði lið áttu erfitt með að skapa sér færi á erfiðum og þungum velli í Eistlandi.

Besta færi íslenska liðsins var án efa í fyrri hálfleik er Eistar rétt náðu að bjarga á línu.

Ísland er í fyrsta sæti riðilsins með átta stig þegar fjórir af sex leikjum hans hafa verið leiknir. Eistland er í öðru sæti með sex stig, Búlgaría í því þriðja með fjögur stig og Lúxemborg er neðst með þrjú stig.

Ísland mætir Búlgaríu ytra 13. nóvember og svo Lúxemborg á Laugardalsvelli 16. nóvember.