Lokaleikur argentínska landsliðsins fyrir HM 2026 verður gegn Íslandi í Alabama aðfaranótt miðvikudagsins 10. Júní.

Ísland og Argentína mætast í vináttuleik A landsliða karla í Bandaríkjunum í júní. Um er að ræða lokaleik argentínska liðsins fyrir úrslitakeppni HM 2026. Leikið verður í Auburn, Alabama þriðjudaginn 9. júní kl. 20:00 að staðartíma, sem þýðir að heima á Íslandi hefst leikurinn kl. 01:00 aðfaranótt miðvikudagsins 10. júní.

Miðasala á leikinn til stuðningsmanna íslenska liðsins er nú opin. Smellið á hlekkinn hér að neðan til að kaupa miða.

Miðasala á Argentína-Ísland

Þetta verður aðeins í annað sinn sem Ísland og Argentína ætast í A landsliðum karla, en fyrsti leikur liðanna fór fram í lokakeppni HM 2018 þar sem liðin skildu jöfn.