Leikur A landsliðs karla við Mexíkó er á miðvikudagskvöld þar í landi, en aðfaranótt fimmtudags að íslenskum tíma.  Leikurinn hefst kl. 20:00 að staðartíma í Queretaro, sem er kl. 02:00 aðfaranótt fimmtudags að íslenskum tíma. 

Íslenska liðið æfði á keppnisvellinum á þriðjudag við góðar aðstæður.  Queretaro borgin er hátt í 2 þúsund metra yfir sjávarmáli og leikmenn íslenska liðsins hafa fundið vel fyrir þunna loftinu á æfingum í vikunni.  Knattspyrnuáhugafólk getur séð leikinn í beinni útsendingu og opinni dagskrá á Sýn.