U21 landslið karla tapaði 2-1 fyrir Frakklandi í leik liðanna í undankeppni EM 2027 sem fram fór í Frakklandi í dag, mánudag.

Frakkland komst yfir á 10. mínútu en Ísland jafnaði metin á 24. mínútu þegar Daníel Tristan Guðjohsen skoraði úr vítaspyrnu.

Frakkar skoruðu sigurmarkið á 29. mínútu. Ísland var nálægt því að jafna metin undir lok leiks þegar boltinn fór í þverslána. Nær komst Ísland ekki og 2-1 tap því raunin.

Næsti leikur Íslands í undankeppni EM 2027 verður einnig gegn Frökkum. Leikurinn fer fram þann 25. september á heimavelli Íslands á Þróttarvelli.