Norðmenn hafa tilkynnt landsliðshóp sinn fyrir úrslitakeppni EM kvennalandsliða, sem fram fer í Finnlandi í ágúst og september. Um 22 manna hóp er að ræða og leika aðeins tveir leikmenn með liðum utan Noregs.
Ingvild Stensland leikur með Lyon í Frakklandi og Leni Larsen Kaurin leikur með Turbine Potsdam í Þýskalandi. Fjórir leikmenn - Christine Colombo Nilsen, Runa Vikestad, Ingvild Isaksen og Isabell Herlovsen - eru liðsfélagar Þóru B. Helgadóttur hjá Kolbotn. Christine Colombo Nilsen er varamarkvörður fyrir Þóru hjá Kolbotn.
