Ólafur Davíð Jóhannesson 

Ólafur Jó hefur um áratugaskeið verið áberandi í íslenskri knattspyrnu, bæði sem leikmaður og ekki síst sem þjálfari. Hann hefur stýrt félagsliðum og íslenska landsliðinu og er einn sigursælasti þjálfari Íslands. Hann hefur látið verulega að sér kveða í þróun og uppbyggingu íslensks fótbolta. Óli Jó er þekktur fyrir leiðtogahæfni, fagmennsku og öflugt framlag sitt til íslenskrar knattspyrnu. 

Pétur Pétursson 

Pétur Pétursson á að baki glæsilegan feril sem leikmaður og þjálfari. Hann var einn fremsti framherji Íslands á sínum tíma og hefur á löngum ferli lagt mikið af mörkum til íslenskrar knattspyrnu. 

Sem þjálfari kvennaliðs Vals varð Pétur margfaldur Íslandsmeistari og hefur jafnframt barist ötullega fyrir uppbyggingu og eflingu kvennafótboltans á Íslandi. 

Pétur nýtur mikillar virðingar fyrir þekkingu sína, metnað og framlag sitt til íslenskrar knattspyrnu, bæði innan vallar og utan.