Leikmannahópur A landsliðs karla fyrir vináttuleikina við Kanada og Haítí hefur á að skipa mörgum reyndum leikmönnum.  Sex þeirra hafa leikið yfir 50 A landsleiki fyrir Íslands hönd.

Leikjahæstur er Aron Einar Gunnarsson með 107 landsleiki og þar á eftir koma Gylfi Þór Sigurðsson með 84 leiki, Sverrir Ingi Ingason með 65 leiki, Guðlaugur Victor Pálsson með 56 leiki, Jón Dagur Þorsteinsson með 52 leiki og Hörður Björgvin Magnússon með 51 leik. 

Gylfi Þór Sigurðsson er markahæsti leikmaður A landsliðs karla frá upphafi með 27 mörk.  Næstir í markaskorun af þeim sem eru í hópnum eru Orri Steinn Óskarsson með sjö mörk og þeir Jón Dagur Þorsteinsson og Ísak Bergmann Jóhannesson hafa skorað 6 mörk.  Aron Einar Gunnarsson og Guðlaugur Victor Pálsson hafa hvor um sig skorað fimm mörk.

Hópurinn gegn Kanada og Haítí - Knattspyrnusamband Íslands